الداعى پالاتا وتىرىسىندا دەپۋتاتتار مەملەكەت باسشىسىنىڭ جارلىعىمەن سەناتور بولىپ تاعايىندالعان بەيبىت يساباەۆتى سەناتتىڭ تۇراقتى كوميتەتىنىڭ قۇرامىنا سايلاۋ ماسەلەسىن قارايدى.
سونىمەن قاتار سەنات وتىرىسىندا «زاتتار مەن ماتەريالداردىڭ قۇرامى مەن قاسيەتتەرىنىڭ ستاندارتتى ۇلگىلەرىن جاساۋ جانە قولدانۋ جونىندەگى ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسى قارالادى.
بۇل كەلىسىم ساۋدا-ەكونوميكالىق, عىلىمي-تەحنيكالىق جانە ىنتىماقتاستىقتىڭ وزگە دە سالالارىنداعى تەحنيكالىق كەدەرگىلەردى جويۋدى, سونداي-اق زاتتار مەن ماتەريالداردىڭ ستاندارتتى ۇلگىلەرىنە مەملەكەتتىڭ قاجەتتىلىگىن قامتاماسىز ەتۋدى كوزدەيدى.
سونداي-اق بيۋرو وتىرىسى كەزىندە ماجىلىستەن كەلىپ تۇسكەن «قازاقستان رەسپۋبليكاسىنىڭ حالىقارالىق شارتتارى تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ ۇكىمەتى مەن امەريكا قۇراما شتاتتارىنىڭ ۇكىمەتى اراسىنداعى حالىقارالىق سالىق ءتارتىبىن جەتىلدىرۋ تۋرالى كەلىسىمدى راتيفيكاتسيالاۋ تۋرالى» زاڭ جوبالارى جۇمىس ءۇشىن ءتيىستى كوميتەتتەرگە ءبولىنىپ بەرىلدى.
