«ەلىمىزدىڭ بۇكىل وڭىرىندە 1-2 سىنىپ وقۋشىلارى ءداستۇرلى فورماتتا وقىعانى ءجون. ولاردىڭ جاس ەرەكشەلىگىنە بايلانىستى وسىنداي شەشىمگە كەلىپ وتىرمىز. قاشىقتان وقۋ ولارعا قيىنعا سوعادى. ال 3-5 سىنىپ وقۋشىلارى كەزەكشى توپ جۇيەسىمەن وقيدى. قالعان سىنىپتار ونلاين, ياعني قاشىقتان ءبىلىم الادى. دەگەنمەن وقۋ فورماتىنىڭ ءار وڭىردەگى ەپيدجاعداي مەن باس سانيتار دارىگەردىڭ شەشىمىنە بايلانىستى ەكەنىن ۇمىتپاۋ كەرەك. ءبىز مىسالى, 1-2 سىنىپ وقۋشىلارىنىڭ مەكتەپكە بارىپ وقىعانىن قولداپ وتىرمىز. ال ءىس جۇزىندە قالاي بولاتىنىن باس سانيتار دارىگەردىڭ شەشىمى كورسەتەدى», دەدى قر ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ توراعاسى گۇلميرا كاريموۆا وكق-دە ونلاين وتكەن ءباسپاسوز ءماسليحاتىندا.
