بيزنەس • 17 قاڭتار، 2022

«دامۋ» قورى تارتىپسىزدىكتەن زارداپ شەككەن كاسىپكەرلەرگە جەڭىلدىكتەر ۇسىندى

104 رەت كورسەتىلدى

ەلدەگى احۋالعا بايلانىستى قارجى نارىعىن رەتتەۋ جانە دامىتۋ اگەنتتىگى مەن ۇلتتىق ەكونوميكا مينيسترلىگى تارتىپسىزدىكتەر كەزىندە زارداپ شەككەن شاعىن جانە ورتا بيزنەس سۋبەكتىلەرىنە مەملەكەت تاراپىنان قولداۋ كورسەتۋ ءۇشىن شارالار لەگىن ازىرلەگەنى بەلگىلى.

بۇل شارالار مەن وعان قول جەتكىزۋ مەحانيزمى «توتەنشە جاعداي ەنگىزۋ ناتيجەسىندە زارداپ شەككەن جەكە جانە زاڭدى تۇلعالاردىڭ قارىزدارى بويىنشا تولەمدەردى كەيىنگە قالدىرۋ تارتىبىندە» كورسەتىلگەن. قۇجات قر قارجى نارىعىن رەتتەۋ جانە دامىتۋ اگەنتتىگى توراعاسىنىڭ 10.01.2022 جىلعى №8 بۇيرىعىمەن بەكىتىلدى.

وسى قۇجات بويىنشا، «بايتەرەك» ۇبح» اق ەنشىلەس ۇيىمى – «دامۋ» كاسىپكەرلىكتى دامىتۋ قورى» اق («دامۋ» قورى) تج كەزىندە زارداپ شەككەن كاسىپكەرلەردىڭ مەملەكەتتىك باعدارلامالار اياسىندا سۋبسيديالاۋ جانە كەپىلدىك بەرۋ قۇرالدارى بويىنشا نەسيەلەرىن قايتا قۇرىلىمداۋدى  وڭايلاتىلعان تارتىپپەن، ءبىر جۇمىس كۇنى ىشىندە ماقۇلداۋعا دايىن ەكەندىگىن حابارلايدى

«بيزنەستىڭ جول كارتاسى-2025» (بجك-2025) مەملەكەتتىك باعدارلاماسى اياسىندا سۋبسيديالاۋ جانە كەپىلدىك بەرۋ قۇرالدارى بويىنشا قايتا قۇرىلىمداۋلار ءبىر جۇمىس كۇنى ىشىندە، كاسىپكەرلەردىڭ قارجى-شارۋاشىلىق قىزمەتىنىڭ تالداۋىنسىز ماقۇلدانادى. كورسەتىلگەن ۋاقىت ىشىندە ءوتىنىم قابىلدانىپ، قالىپتاستىرىلىپ، قايتا قۇرىلىمداۋ شارتتارى ماقۇلدانادى دا بانكتەرگە حات جىبەرىلەدى.

ميكرو-شاعىن بيزنەستىڭ 20 ملن تەڭگەگە دەيىنگى نەسيەلەرى بويىنشا (بجك-2025 ءبىرىنشى باعىتى) قۇجاتتار قورعا نەسيە مەرزىمى ۇزارتىلعان جانە  ول بويىنشا كەپىلدىك مەرزىمىن ۇزارتۋ قاجەت بولعان جاعدايدا عانا ماقۇلداۋعا جىبەرىلەدى.

سونىمەن قاتار، «دامۋ» قورى 2022 جىلى ميكرو، شاعىن جانە ورتا بيزنەستى سۋبسيديالاۋ جانە كەپىلدىك بەرۋ قۇرالدارى بويىنشا قولداۋ شارالارى باعدارلامادا كوزدەلگەن قۇجاتتارعا قول قويۋ پروتسەدۋرالارى بىتكەن سوڭ، قىسقا مەرزىمدە تولىق كولەمدە جالعاساتىنىن اتاپ ءوتتى. 

2021 جىلى قور نەسيە سوماسى 2،175 ترلن تەڭگە بولاتىن 57،7 مىڭ جوبانى قولدادى. ونىڭ ىشىندە نەسيە سوماسى 75،4 ملرد تەڭگە بولاتىن 13،4 مىڭ ميكروكاسىپكەرلىك جوبا دا بار:

  -  نەسيە سوماسى 1 598 ملرد تەڭگە بولاتىن 32،3 مىڭ جوبا سۋبسيديالاندى، ونىڭ ىشىندە COVID-19 پاندەمياسى كەزىندە ەكونوميكانىڭ نەعۇرلىم زارداپ شەككەن سەكتورلارىندا كاسىپكەرلەردى قولداۋ اياسىندا نەسيە سوماسى 421،7 ملرد تەڭگە بولاتىن 11 مىڭ جوبا سۋبسيديالاندى;

- نەسيە سوماسى 366 ملرد تەڭگە بولاتىن 17،3 مىڭ جوباعا كەپىلدىك بەرىلدى;

- جەڭىلدىكپەن قارجىلاندىرۋ قاراجاتى ەسەبىنەن 8،4 مىڭ جوبا 211 ملرد تەڭگە نەسيە الدى.

 قوردىڭ وڭىرلەردەگى فيليالدارىندا مەنەدجەرلەر ەدب نەمەسە قارجى ۇيىمدارى نەسيەنى ماقۇلداعانعا دەيىن كاسىپكەرلەردىڭ جوبالارىن سۇيەمەلدەۋدە online.damu.kz جانە egov.kz ەلەكتروندىق پورتالدار ارقىلى كەشەندى تۇردە قولداۋ كورسەتەدى.

ەستەرىڭىزگە سالا كەتەيىك، كاسىپكەرلەر ءوز وتىنىمدەرىن egov.kz جانە online.damu.kz پورتالدارى ارقىلى online جولداي الادى. سونداي-اق www.damu.kz، www.online.damu.kz سايتتارىنان online رەجيمدە اقپارات الۋعا نەمەسە 1408 بىرىڭعاي سall-ورتالىعىنا قوڭىراۋ شالۋعا (تەگىن) مۇمكىندىك بار. وڭىرلەردەگى مەنەدجەرلەرمەن تىكەلەي بايلانىسۋعا دا بولادى. كونتاكتتار قوردىڭ سايتىندا جانە الەۋمەتتىك جەلىلەردەگى رەسمي اككاۋنتتارىندا بار.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار