ايماقتار • 17 قاڭتار، 2022

قانشا «سەرگەك» كامەراسى ب ۇلىنگەنى بەلگىلى بولدى

85 رەت كورسەتىلدى

الماتى قالاسىنداعى جاپپاي تارتىپسىزدىك كەزىندە قۇنى 500 ميلليون تەڭگەگە جەتەقابىل بەينەباقىلاۋ كامەرالارى ب ۇلىنگەن، دەپ حابارلايدى Egemen.kz.

بۇل مالىمەتتى اكىمدىكتىڭ شتاب وتىرىسىندا تسيفرلاندىرۋ باسقارماسىنىڭ باسشىسى بايان قوڭىرباەۆ راستاعان. ونىڭ سوزىنە سەنسەك، قاسىرەتتى قاڭتار وقيعاسىنان كەيىن 766 «سەرگەك» بەينەكامەراسى ب ۇلىنگەن كورىنەدى.

«بۇگىن 485 «سەرگەك» اپپاراتتىق-باعدارلامالىق كەشەنىنىڭ جۇمىسى قالپىنا كەلتىرىلدى. ونىڭ جيىرماسى تاڭەرتەڭ ىسكە قوسىلدى. جالپى ب ۇلىكشىلەر 75-تەن استام كەشەندى قيراتقان. ونىڭ وتىزدان استامى قايتا قوسىلىپ وتىر. قالپىنا كەلتىرۋ بويىنشا جالپى شىعىن سوماسى 250 ميلليون تەڭگەدەن اسپايدى. قاڭتاردىڭ اياعىنا دەيىن ءبارىن رەتتەمەكپىز»، دەيدى ول.

بۇدان بولەك ساياباقتار مەن سكۆەرلەردەگى مىڭنان استام كامەرانىڭ 242-ءسى تارتىپسىزدىك كەزىندە ىستەن شىققان.

«ب ۇلىكشىلەر ادەيى سونداي قادامعا بارعان. وندىرۋشىلەر قازىرگى ساتتە ساپا تۇرعىسىنان الگىندەي كامەرالار جوق ەكەنىن ايتتى. سوندىقتان بۇگىندە ولاردىڭ ورنىنا باسقا ءوندىرۋشى كومپانيالاردىڭ كامەراسىن ورناتۋ ماسەلەسى قاراستىرىلۋدا. جالپى 226 ميلليون تەڭگە كەرەك. رەسپۋبليكالىق بيۋدجەتتەن قارجىلاندىرىلاتىن بولادى»، دەيدى باسقارما باسشىسى.

 

 

 

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار