قوعام • 17 قاڭتار، 2022

الەۋمەتتىك تولەمدەر كەشىككەن جوق

44 رەت كورسەتىلدى

قوستاناي وبلىسىندا زەينەتاقى مەن جاردەماقى تولەمدەرى تۇرعىنداردىڭ جەكە ەسەپشوتىنا ءوز ۋاقىتىندا كەلىپ ءتۇستى.

ەڭبەك جانە الەۋمەتتىك قور­عاۋ دەپارتامەنتىنىڭ وكىلدەرى 6 قاڭ­تارعا دەيىن زەينەتاقى مەن جاردەماقىعا قوسىلعان وسىم­دەر­دىڭ «قازپوشتا» مەن ەكىنشى دەڭ­گەيلى بانكتەرگە اۋدارىل­عانىن، ەل كولەمىندە ەنگىزىلگەن توتەنشە جاعداي تارتىبىنە قارا­ماستان، اتالعان ساناتتاعى ازا­ماتتارعا بولىنەتىن قارجى اۋدا­رىمدارىنىڭ كەشىگۋى مۇمكىن ەمەس ەكەنىن ايتىپ وتىر.

– ءبىز وتكەن جەلتوقسان ايىنا دەيىن زەينەتاقى مەن الەۋمەتتىك جاردەماقىلارعا قوسىلاتىن اقشا ايىرماشىلىعىن قاي­تا ەسەپتەپ، تولەمدەردى ءوز ۋاقى­تىندا جىبەردىك. بيىلدان باستاپ بازالىق زەينەتاقى مول­شە­رى 7 پايىزعا ءوستى، – دەدى دەپار­تامەنتتىڭ ءبولىم باستىعى ارمان­گۇل ابدىقادىروۆا.

ماسەلەن، بۇعان دەيىن 144 مىڭ تەڭگە زەينەتاقى الىپ كەل­گەن قوستاناي قالاسىنىڭ تۇر­عىنى مۇقتار بەكسۇلتانوۆ 10 قاڭتاردا قولىنا 152 مىڭ تەڭگە تيگەنىن ايتتى. زەينەتكەر مەملەكەتتىڭ قا­ريا­لارعا قام­قورلىق كورسەتىپ وتىرعانىنا ري­زاشىلىق ءبىلدىردى.

ەڭبەك جانە الەۋمەتتىك قورعاۋ دەپارتامەنتى قىزمەتكەرلەرىنىڭ ايتۋىنشا، قاڭتار ايىنان باس­تاپ وزگە دە الەۋمەتتىك جاردەم­اقىلار مولشەرى 5 پايىزعا وسكەن. سونداي-اق مەملەكەت­تىك قىزمەتتەردى كورسەتۋ ەرەجەلە­رى­نە ەنگەن وزگەرىستەرگە سايكەس، مۇگە­دەكتىك مەرزىمى توتەنشە جاع­دايعا بايلانىستى اۆتوماتتى تۇردە 5 جەل­توقساننان 19 قاڭتارعا دەيىن ۇزارتىلىپ وتىر. سوندىقتان مۇگەدەكتىك مەرزىمى اياقتالىپ قال­عان مۇمكىندىگى شەكتەۋلى جان­دار­دىڭ الاڭداۋىنا نەگىز جوق. ول كىسىلەر وڭىردە توتەنشە جاع­داي رەجىمى الىنىپ تاستالعان سوڭ، بۇرىنعىشا قالىپتى كۋالان­دىرۋدان وتەتىن بولادى.

 

قوستاناي وبلىسى

 

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار