ايماقتار • 15 قاڭتار، 2022

شىمكەنتتەگى «جۇلدىز» يندۋستريالدى ايماعىندا 10 ينۆەستيتسيالىق جوبا جۇزەگە اسىرىلۋدا

42 رەت كورسەتىلدى

شىمكەنت قالاسىندا وتكەن جىلى قۇرىلعان «جۇلدىز» يندۋستريالىق ايماعىندا 608 جۇمىس ورنىن قۇرۋمەن جالپى سوماسى 5،8 ملرد تەڭگەنى قۇرايتىن 10 ينۆەستيتسيالىق جوبا جۇزەگە اسىرىلۋدا. بۇل جوبالاردى وسى جىلدىڭ سوڭىنا دەيىن ىسكە قوسۋ جوسپارلانۋدا، دەپ جازادى Egemen.kz.

قالا اكىمى مۇرات ايتەنوۆ اتالعان يندۋستريالدى ايماقتا جۇرگىزىلىپ جاتقان ينجەنەرلىك-كوممۋنيكاتسيالىق جەلىلەر مەن كاسىپورىن قۇرىلىسىن ارالاپ كورىپ، ينۆەستورلاردىڭ ۇسىنىستارىن تىڭدادى.

قالا باسشىسى ەل پرەزيدەنتىنىڭ ەكونوميكانى ءارتاراپتاندىرۋ جانە يمپورت الماستىرۋ جونىندەگى تاپسىرماسىن ورىنداۋدىڭ بىردەن ءبىر شارتى – ول وڭىردە ءوندىرىستىڭ دامۋىنا قولايلى جاعداي جاساۋ جانە يندۋستريالدىق ايماقتاردى دامىتۋ بولىپ تابىلاتىنىن جەتكىزدى. سوندىقتان قالادا قۇرىلىپ جاتقان جاڭا يندۋستريالدى ايماقتاردىڭ قۇرىلىسى مەن جۇمىس ىستەپ تۇرعان ايماقتاردىڭ كولەمىن ۇلعايتۋ جۇمىسىن جەتەلدەتۋدى تاپسىردى. ينجەنەرلىك ينفراقۇرىلىم جۇيەلەرىن ساپالى جانە قىسقا مەرزىمدە اياقتاۋدى تاپسىردى.

بۇگىندە ايماقتا جالپى ۇزىندىعى 13،8 شاقىرىمدى قۇرايتىن اۆتوموبيل جولدارى سالىنۋدا، ونىڭ 2،4 شاقىرىمى ورىندالعان. بۇدان بولەك، تارتىلۋى ءتيىس بولعان 12،5 شاقىرىم اۋىز سۋ جۇيەسىنىڭ 11 شاقىرىمى، تابيعي گازدىڭ 8،9 شاقىرىمىنىڭ 5 شاقىرىمى، كارىز جۇيەسىنىڭ ەكى شاقىرىمى مەن ەلەكتر جۇيەسى جۇمىستارىنىڭ 30 پايىزى ورىندالىپ وتىر.

ايتا كەتەيىك، جالپى اۋدانى 306 گەكتاردى قۇرايتىن «جۇلدىز» يندۋستريالىق ايماعىندا جالپى قۇنى 230 ملرد. تەڭگە بولاتىن 50 جوبانى جۇزەگە اسىرۋ بولجانۋدا. ناتيجەسىندە 5 مىڭنان استام جۇمىس ورنى اشىلادى دەپ كۇتىلۋدە.

كاسىپكەرلىك باسقارماسىمەن 30 الەۋەتتى ينۆەستوردىڭ ينۆەستيتسيالىق جوبالار پورتفەلى قالىپتاستىرىلدى. بۇل جوبالاردى 2022-2025 جىلدار ارالىعىندا ىسكە اسىرۋ جوسپارلانۋدا.

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار