ايماقتار • 14 قاڭتار، 2022

اتىراۋ وبلىسىندا كارانتيندىك شارالار كۇشەيتىلدى

1660 رەت كورسەتىلدى

بۇگىن اتىراۋ وبلىسىنىڭ باس مەملەكەتتىك سانيتار دارىگەرىنىڭ مىندەتىن اتقارۋشى ا.بەكەشەۆانىڭ قاۋلىسىمەن وڭىردە كارانتيندىك شارالار كۇشەيتىلدى، دەپ حابارلايدى Egemen.kz.

جاڭا قاۋلىعا سايكەس بىرنەشە نىساننىڭ قىزمەتىنە تىيىم سالىندى.

«Ashyq جوباسىنا قاتىسۋىنا قاراماستان كونتسەرت زالدارىنىڭ، فيلارمونيالاردىڭ، تەاترلاردىڭ، تسيركتەردىڭ قىزمەتىنە، ءدىني بىرلەستىكتەر وبەكتىلەرىندە (مەشىتتەر، شىركەۋلەر، سوبورلار، سيناگوگالار جانە ت. ب.) بۇقارالىق ءىس-شارالاردى (جۇما نامازى، ءدىني جورالار جانە ت. ب.) وتكىزۋگە تىيىم سالىنسىن»، دەلىنگەن قاۋلىدا.

مۇنداي تىيىم تۇنگى كلۋبتار مەن قوعامدىق تاماقتانۋ وبەكتىلەرىندە ءان ايتۋ مەن بيگە، كاراوكە قىزمەتىنە دە قولدانىلادى. Ashyq جوباسىنا قاتىساتىن وبەكتىلەردە 30 ادامعا دەيىن ەسكە الۋ شارالارىن وتكىزۋدى قوسپاعاندا، وتباسىلىق (بانكەتتەر، ۇيلەنۋ تويلارى، مەرەيتويلار جانە ت. ب.)، ەستەلىك ءىس-شارالاردى، ونىڭ ىشىندە ۇيدە وتكىزىلەتىن ءىس-شارالاردى قوسا العاندا، اشىق اۋادا، ءۇي-جايلاردىڭ ىشىندە بۇقارالىق ءىس-شارالاردى وتكىزۋگە تىيىم سالىنىپ وتىر.

سوڭعى جاڭالىقتار

ۇقساس جاڭالىقتار