ۇكىمەت • 14 قاڭتار، 2022

ايگۇل شايىموۆا ۆيتسە-مينيستر قىزمەتىنەن بوساتىلدى

88 رەت كورسەتىلدى

ايگۇل شايىموۆا ۇلتتىق ەكونوميكا ۆيتسە-ءمينيسترى قىزمەتىنەن بوساتىلدى، دەپ حابارلايدى Egemen.kz.

«ۇكىمەت قاۋلىسى بويىنشا، ايگۇل امانتايقىزى شايىموۆا باسقا قىزمەتكە اۋىسۋىنا بايلانىستى ۇلتتىق ەكونوميكا ۆيتسە-ءمينيسترى قىزمەتىنەن بوساتىلدى»، دەلىنگەن پرەمەر-ءمينيستردىڭ ءباسپاسوز قىزمەتى حابارلاماسىندا.

ايگۇل شايىموۆا ۇلتتىق ەكونوميكا ۆيتسە-ءمينيسترى قىزمەتىنە 2020 جىلى شىلدەدە تاعايىندالعان.

ايگۇل شايىموۆا 1979 جىلى تسەلينوگراد وبلىسىنىڭ مارينوۆكا اۋىلىندا دۇنيەگە كەلگەن. گۋميلەۆ اتىنداعى ەۋرازيا ۋنيۆەرسيتەتىن، قارجى پوليتسياسى اكادەمياسىن، رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن تامامداعان. 

ءار جىلدارى قر قارجى پوليتسياسى اگەنتتىگىندە، ەكونوميكالىق قىلمىسقا جانە سىيبايلاس جەمقورلىققا قارسى كۇرەس اگەنتتىگىندە، قر باس پروكۋراتۋراسىندا جۇمىس ىستەدى. 

2013-2014 جىلدارى قازاقستان رەسپۋبليكاسى قاۋىپسىزدىك كەڭەسىنىڭ سيتۋاتسيالىق ورتالىعى مەڭگەرۋشىسىنىڭ ورىنباسارى قىزمەتىن اتقاردى.

2014-2016 جىلدارى - قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىقپەن كۇرەس اگەنتتىگىنىڭ اپپارات جەتەكشىسى. 

2016 جىلى - قازاقستان رەسپۋبليكاسى مەملەكەتتىك قىزمەت ىستەرى ۆيتسە-ءمينيسترى.

2016 جىلعى قىركۇيەك ايىنان باستاپ 2019 جىلعى شىلدەگە دەيىن قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى قىزمەتىن اتقاردى. 

2019 جىلعى شىلدەدەن باستاپ ءمادينا سەرىكقىزى جۇنىسبەكوۆانىڭ وقۋ دەمالىسى كەزەڭىندە قازاقستان رەسپۋبليكاسى ۇلتتىق ەكونوميكا ۆيتسە-ءمينيسترى قىزمەتىن اتقاردى.

 

 

سوڭعى جاڭالىقتار

ۇقساس جاڭالىقتار