قارۋسىزدانۋ – جاھاندىق قاۋىپتىڭ الدىن الۋ

قك جوعارى سەگمەنت قاتى­سۋشىلارىنىڭ الدىندا سويلەگەن سوزىندە ە.اشىقباەۆ قك جۇمىسى باعدارلاماسىنىڭ شەڭبەرىندە قازاقستان ءۇشىن ءتورت باسىم با­عىتقا: بارلىعىنا ورتاق يادرو­لىق قارۋسىزدانۋ, اسكەري ماق­سات­تا بولشەكتەمەلى ماتەريالدى وندىرۋگە تىيىم سالاتىن كەلى­سىم­دى جا­ساۋ جانە قول قويۋ, عا­رىش­تا قا­رۋلانۋ جارىسىنا جول بەر­مەۋ جا­نە يادروسىز ەلدەرگە قاۋىپ­سىزدىكتىڭ كەرى كەپىلىنە نازار اۋداردى.

بۇل رەتتە قازاقستان سىرتقى ساياسات ۆەدومستۆوسى باسشىسىنىڭ ورىنباسارى يادرولىق سىناقتارعا تولىق تىيىم سالۋ تۋرالى كەلىسىمدى الەمنىڭ بارلىق ەلدەرىنىڭ مويىنداۋى يادرولىق قارۋسىزدانۋدىڭ ماڭىزدى شارتتارىنىڭ ءبىرى بولىپ تابىلاتىنىن اتاپ ءوتتى. بۇل ورايدا 2009 جىلى بۇۇ باس اس­سامبلەياسىنىڭ 29 تامىزدى ياد­رولىق سىناقتارعا قارسى حالىق­ارا­لىق ءىس-قيمىل كۇنى دەپ جاريا­لا­عان قازاقستاندىق قاراردى قا­­بىل­داۋى اتالعان كەلىسىمنىڭ مىن­­دەت­تەرىنە تولىق سايكەس كەلەتىنى اتاپ كورسەتىلدى.

ە.اشىقباەۆتىڭ بۇۇ-نىڭ ادام قۇقىقتارى جونىندەگى جو­عار­عى كوميسسارى ن.پيللەيمەن, بۇۇ-نىڭ جەنەۆاداعى بولىم­شە­سىنىڭ باس ديرەكتورى مىندەتىن اتقارۋشى م.ميوللەرمەن, بۇۇ باعدارلاماسىنىڭ ەۋروپا ءۇشىن قورشاعان ورتا جونىندەگى وڭىرلىك وكىلى يا.دۋسيكپەن, كوشى-قون جو­نىندەگى حالىقارالىق ۇيىمنىڭ باس ديرەكتورى ۋ.ل.سۆينگپەن, بۇۇ وقۋ جانە عىلىمي-زەرتتەۋ ينستيتۋتىنىڭ اتقارۋشى ديرەكتورى س.فەگان-ۋايلسپەن جانە باسقالارمەن ەكىجاقتى كەزدەسۋلەرى ءوتتى.