ازەربايجان رەسپۋبليكاسىنىڭ پرەمەر-ءمينيسترى ا. اسادوۆ ءا. سمايىلوۆتى قازاقستان رەسپۋبليكاسىنىڭ پرەمەر-ءمينيسترى لاۋازىمىنا تاعايىندالۋىمەن قۇتتىقتادى. ا. اسادوۆ دەسترۋكتيۆتى كۇشتەردىڭ اگرەسسياسى سالدارىنان قازا تاپقانداردىڭ وتباسىلارىنا قايعىرىپ كوڭىل ايتتى, سونداي-اق ەلىمىز ءۇشىن وسى قيىن ساتتە قازاقستان حالقىنا دەگەن قولداۋىن ءبىلدىردى.
«ازەربايجان – قازاقستاننىڭ سەنىمدى ستراتەگيالىق سەرىكتەسى. ءبىزدىڭ ەلدەرىمىز اراسىندا سىندارلى ساياسي ديالوگ جانە ەكىجاقتى قارىم-قاتىناستاردىڭ كەڭ سالاسى بويىنشا جەمىستى ءوزارا ءىس-قيمىل جولعا قويىلعان. ءبىز ءوزارا ءتيىمدى ساۋدا-ەكونوميكالىق بايلانىستاردى كەڭەيتۋگە جانە تەرەڭدەتۋگە نيەتتىمىز», دەدى ءا. سمايىلوۆ.
ار پرەمەر-ءمينيسترى ا. اسادوۆ قر پرەمەر-ءمينيسترى ا. سمايىلوۆتى وزىنە قولايلى ۋاقىتتا ازەربايجانعا كەلۋگە شاقىردى.
ازەربايجان – قازاقستاننىڭ ماڭىزدى ساۋدا-ەكونوميكالىق سەرىكتەسى. 2021 جىلدىڭ 10 ايىنىڭ قورىتىندىسى بويىنشا ءوزارا ساۋدا كولەمى $261 ملن قۇرادى, بۇل 2020 جىلدىڭ سايكەس كەزەڭىندەگى كورسەتكىشتەن ءۇش ەسە كوپ جانە 2019 جىلعى پاندەمياعا دەيىنگى دەڭگەيدەن ەداۋىر ارتىق. بيىل قازاقستان مەن ازەربايجان اراسىنداعى ديپلوماتيالىق قارىم-قاتىناستىڭ ورناعانىنا 30 جىل تولادى.
