وقيعا بۇگىن تاڭعى 7:20-دا جىلۋ بەرەتىن كاسىپورىننىڭ شاعىناۋدانداعى نىسانىندا بولعان. مۇندا 3-ءشى قازاندىقتىڭ باسقارۋ ستانتسياسىنىڭ قالقانى تۇتانىپ, بارلىق ەلەكتر كابەلدەرى جانىپ كەتتى. ءورتتى ءارى قاراي ورشىتپەس ءۇشىن ماماندار قازاندىق جۇمىسىن توقتاتتى. كەيىن ءورت سوندىرۋشىلەر كەلىپ وتتى تولىق وشىرگەن. قازىر وسى ورتالىققا قوسىلعان بارلىق تۇرعىن ۇيلەرگە قوسىمشا قازاندىقتاردان جىلۋ بەرىلىپ جاتىر.
«وبلىس اكىمىنىڭ ءبىرىنشى ورىنباسارى جانە قالا اكىمى جەتەكشىلىك ەتەتىن جەدەل شتاب قۇرىلدى. جاعداي باقىلاۋدا. قازىر اپات بولعان ءنومىرى ءۇشىنشى قازاندىقتى قالپىنا كەلتىرۋ جۇمىستارى ءجۇرىپ جاتىر. كەشكە دەيىن جوندەپ بىتەمىز دەپ ويلايمىن. تۇرعىنداردى الاڭداماۋعا شاقىرامىن», دەدى «جىلۋ – ەنەرگەتيكا ورتالىعى» كومپانياسى باسشىسىنىڭ مىندەتىن اتقارۋشى ۆيكتور شمىگلوۆ.
