وتكەن تاۋلىكتە وڭىردە 268 قاتەرلى ىندەتتىڭ قۇرىعىنا ىلىكتى. ونىڭ ىشىندە قىزىلوردا قالاسىندا 169 جاعداي تىركەلسە, اۋداندار بويىنشا ارالدا - 9, قازالىدا - 5, قارماقشىدا - 9, جالاعاشتا - 12, سىرداريادا - 10, شيەلىدە - 23, جاڭاقورعاندا - 31 ادامدى قۇرادى. وسىنىڭ سالدارىنان قازىر وبلىستا كوروناۆيرۋسپەن سىرقاتتانعان تۇرعىندارى سانى 20 027 ادامعا جەتتى.
قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريتساسىندا قىزىلوردا وبلىسى «قىزىل» ايماققا كىرگىزىلدى.
ايتا كەتەرلىگى, بۇعان دەيىن وڭىردە كوروناۆيرۋس جۇقتىرۋدىڭ مۇنداي جوعارى كورسەتكىشى تىركەلگەن ەمەس.
«وڭىردە بۇگىنگى كۇنگە دەيىن كوروناۆيرۋس جۇقتىرۋدىڭ جوعارى كورسەتكىشى - 251 ادام بولدى. ال قاڭتار ايىنىڭ العاشقى كۇنىنەن 593 ادام ىندەت جۇقتىردى. سوندىقتان تۇرعىنداردان بارلىق ساقتىق شارالارىن ساقتاۋدى سۇرايمىز», دەدى قىزىلوردا وبلىسىنىڭ سانيتاريالىق-ەپيدەميولوگيالىق باقىلاۋ دەپاراتمەنتىنىڭ ءباسپاسوز حاتشىسى ايمان جاناحاەۆا.
