بارلىق كاسىپكەرلىك جانە الەۋمەتتىك نىساندار شتاتتىق رەجيمدە جۇمىس ىستەپ تۇر.
قالا اۋماعىندا تۇنگى 23.00-دەن تاڭعى 7.00-گە دەيىن «كومەندانتتىق ساعات» جۇزەگە اسىرىلۋدا, ستراتەگيالىق نىسانداردى كۇزەتۋ كۇشەيتىلگەن. قالاداعى قوعامدىق ساياسي جاعداي تۇراقتى باقىلاۋدا.
قالادا جاپپاي تارتىپسىزدىك ساتىنەن باستاپ پوليتسياعا 3 مىڭ 568 ادام جەتكىزىلدى. بۇگىنگە دەيىن 442 قۇقىق بۇزۋشىلىق انىقتالدى. ونىڭ 298-ءى بويىنشا قاماۋعا الۋ, 44 ايىپپۇل جانە 100 ەسكەرتۋ شاراسى قابىلداندى.
«كومەندانتتىق ساعاتتى» بۇزعانى ءۇشىن 204 قۇقىق بۇزۋشى اكىمشىلىك جاۋاپكەرشىلىككە تارتىلدى. ونىڭ 75-ءى قاماۋعا الىندى. قالا شەكارالارىندا ورناتىلعان بلوكبەكەتتەردە 15 مىڭعا جۋىق اۆتوكولىك تەكسەرىلىپ, 9 ادام ۇستالدى. كولىكتەردى قاراۋ كەزىندە 2 گاز تاپانشاسى تاركىلەندى. بارلىق قوزعالعان قىلمىستىق ىستەر بويىنشا 78 ازامات قاماۋعا الىندى.
قىلمىسكەرلەردىڭ ۇياشىقتارىن انىقتاۋ ماقساتىندا ەكسترەميزم جانە كوشى-قون جەلىسى بويىنشا جەدەل ءىس-شارالار جۇرگىزىلىپ جاتىر. سونداي-اق, قالاداعى جالدامالى پاتەرلەر تەكسەرىلۋدە. ونىڭ ناتيجەسىندە ءبىر تۇرعىننىڭ بالكونىنان تروتۋار تاستارى تابىلىپ, ال باسقا جالدامالى پاتەردەن تۇركىستان وبلىسىنىڭ 4 تۇرعىنى ۇستالدى. ولاردان شىمكەنت قالاسىنىڭ «مەترو» ساۋدا ورتالىعىندا تارتىپسىزدىك كەزىندە ۇرلانعان ازىق-ت ۇلىك تاۋارلارى تاركىلەندى.
قازىرگى ۋاقىتتا قالالىق پوليتسيا دەپارتامەنتى اسكەري بولىمدەر جانە تجد كۇشتەرىمەن بىرلەسىپ, توتەنشە جاعداي رەجيمىندە جۇمىس ىستەۋدە.
وسى رەتتە,قالا بيلىگى تۇرعىنداردى وزدەرى مەن جاقىندارىنىڭ قاۋىپسىزدىگى ءۇشىن تج رەجيمىنىڭ بارلىق ەرەجەسىن ساقتاۋعا, ادام كوپ جينالاتىن ورىندارعا بارماۋعا, دەسترۋكتيۆتى كۇشتەردىڭ ارانداتۋىنا ەرمەۋگە شاقىرادى.
