– پرەزيدەنت تاپسىرماسىنا سايكەس, اتىراۋ وبلىسىندا سۇيىتىلعان گاز باعاسى تومەندەدى. ماسەلەن, اتىراۋ قالاسى مەن ماحامبەت, يندەر, يساتاي, ماقات اۋداندارىندا سۇيىتىلعان گاز 50 تەڭگەدەن ساتىلىپ جاتىر. ال وبلىس ورتالىعىنان 200 شاقىرىمنان اساتىن قاشىقتا ورنالاسقان جىلىوي, قۇرمانعازى, قىزىلقوعا اۋداندارىنداعى باعا – 55 تەڭگە. قازىر وڭىردە كولىكتەرگە سۇيىتىلعان گاز قۇياتىن 89 ستانسا بار. ونىڭ ىشىندە 51 ستانسا اتىراۋ قالاسىندا, ال قالعانى اۋدانداردا ورنالاسقان. وبلىستا سۇيىتىلعان گازدىڭ قورى جەتكىلىكتى دەۋگە بولادى. ويتكەنى وڭىردە 2 700 توننا سۇيىتىلعان گاز بار, – دەيدى ە.نازاروۆ.
ال وبلىستىق اۋىل شارۋاشىلىعى باسقارماسىنىڭ باسشىسى امانگەلدى سالاماتتىڭ ايتۋىنشا, الەۋمەتتىك نان جانە ءبىرىنشى سۇرىپتى ۇن باعاسىن تۇراقتاندىرۋ ماقساتىندا ءۇش جاقتى مەموراندۋم جاساقتالىپتى. سوعان سايكەس, وڭىردە 13 مىڭ توننا بيداي جەتكىزۋ جوسپارلانىپ وتىر.
– ازىق-ت ۇلىك ونىمدەرى اينالىم تىزبەسى ارقىلى الىنادى. سونداي ازىق-ت ۇلىك ونىمدەرى «يدەال», «ليدەر» سۋپەرماركەتتەرىنىڭ 36 جەلىسىندە, كوكونىس ونىمدەرى «دينا», «ناسيحا», «كوكتەم», «سارايشىق» ساۋدا ورىندارىندا ساتىلىپ جاتىر. قازىر وڭىردە الەۋمەتتىك ماڭىزى بار ازىق-ت ۇلىك ونىمدەرىنىڭ 9 مىڭ توننا قورى جاساقتالدى. تۇراقتاندىرۋ قورىندا 579,6 توننا كارتوپ, 325,8 توننا ءسابىز, 339 توننا پياز, 200 توننا قىرىققابات ساقتاۋلى تۇر. ۇشجاقتى مەموراندۋمعا سايكەس, الەۋمەتتىك نان باعاسى – 90, ال ءبىرىنشى سۇرىپتى ۇن 145 تەڭگەدەن ساتىلادى, – دەپ ءمالىم ەتتى امانگەلدى سالامات.
