مەملەكەت باسشىسىنىڭ بەنزين مەن ديزەلدىڭ باعالارىن رەتتەۋ جونىندەگى تاپسىرمالارى اياسىندا مۇناي ونىمدەرىن بولشەك ساۋدادا وتكىزۋگە شەكتى باعالاردى بەلگىلەۋ بويىنشا ءتيىستى بۇيرىقتار قابىلداندى.
وسىلايشا, مۇناي ونىمدەرىنىڭ باعاسى:
1) اي-80 ماركالى بەنزين – ليترىنە 89 تەڭگە;
2) اي-92 ماركالى بەنزين – ليترىنە 182 تەڭگە;
3) اي-93 ماركالى بەنزين – ليترىنە 182 تەڭگە;
4) اي-95 ماركالى بەنزين – ليترىنە 215 تەڭگە;
5) ديزەل وتىنى - ليترىنە 230-260 تەڭگە بولدى.
نارىقتاعى جاعدايدى تولىق باقىلاۋدى قامتاماسىز ەتۋ ماقساتىندا سۇيىتىلعان مۇناي گازىنا ۋاقىتشا مەملەكەتتىك باعا رەتتەۋ ەنگىزىلىپ, ليتر ءۇشىن 50-75 تگ دياپازونىنا دەيىن تومەندەتۋمەن بولشەك ساۋدا باعاسى بەكىتىلدى.
ەنەرگەتيكا مينيسترلىگى كەلەسى ەكى بۇيرىقتى بەكىتتى:
1) 2023 جىلعى 1 قاڭتارعا دەيىن ساۋدا-ساتتىق قاعيدالارىن توقتاتا تۇرۋ جونىندەگى بۇيرىق, وعان سايكەس ەنەرگەتيكا مينيسترلىگى سۇيىتىلعان گازدى ەلەكتروندىق ساۋدا-ساتتىقتان تىس وتكىزەتىن بولادى;
2) سۇيىتىلعان مۇناي گازىنىڭ شەكتى كوتەرمە باعاسىن تومەندەتۋ جونىندەگى بۇيرىق.
سونداي-اق, بۇگىنگى كۇنى ەسا-دان تىس ىشكى نارىققا سۇيىتىلعان گازدى جەتكىزۋ جوسپارىن قالىپتاستىرۋ قاعيدالارىنا تۇزەتۋلەر ەنگىزۋ بويىنشا بۇيرىق ازىرلەندى.
