«ولار حالقىمىزدىڭ قاۋىپسىزدىگى ءۇشىن, ەلىمىزدىڭ بولاشاعى ءۇشىن ءوز جاندارىن قۇربان ەتكەن ناعىز باتىرلار. ءبىز ولاردىڭ ەرلىگىنە ءتانتىمىز, ەشقاشان ۇمىتپايمىز. ولار حالقىمىزدىڭ جادىندا ماڭگى ساقتالادى. سىزدەردىڭ وتباسىلارىڭىز نازاردان تىس قالمايتىنىنا ءسوز بەرەمىن. باسپانا بولسىن, بالالاردىڭ وقۋى بولسىن بارلىق ماسەلەگە ارقاشاندا كومەك كورسەتەتىن بولامىز», دەدى پرەزيدەنت ءوز سوزىندە.
كەزدەسۋ بارىسىندا قاسىم-جومارت توقاەۆ اسكەري جانە قىزمەتتىك مىندەتىن ورىنداۋ كەزىندە كورسەتكەن باتىرلىعى, مەملەكەت مۇددەسىن قورعاۋ بارىسىندا كورسەتكەن ەرلىكتەرى ءۇشىن بىرىنە جار, بىرىنە اكە بولعان مارقۇمدارعا بەرىلگەن ناگرادالاردى تۋعان-تۋىستارىنا تابىستادى.
ۇقك شەكارا قىزمەتى اكادەمياسىنىڭ كافەدرا باستىعى اندرەي كابدينوۆتىڭ جارى مەن ۇلىنا II دارەجەلى «ايبىن» وردەنى, الماتى قالاسى المالى اۋدانى پوليتسيا باسقارماسىنىڭ پوليتسيا-جۇرگىزۋشىسى الەن اسىلحانوۆتىڭ جارىنا, سونداي-اق الماتى قالاسى المالى اۋدانى پوليتسيا باسقارماسىنىڭ پوليتسيا-جۇرگىزۋشىسى رينات كامبەتوۆتىڭ جارىنا III دارەجەلى «ايبىن» وردەنى بەرىلدى.
سودىرلار قولىنان قازا تاپقان مارقۇمداردىڭ تۋىستارى بۇدان بىلاي ءبىزدىڭ ەلىمىزدە ءدال وسىنداي قايعىلى وقيعانىڭ قايتالانباۋىنا سەنىم ءبىلدىردى.
