قازاقستان • 12 قاڭتار، 2022

اقش قازاقستان ۇكىمەتىنە العىس ءبىلدىردى

330 رەت كورسەتىلدى

الماتىدان اقش كونسۋلدىعىنىڭ كەيبىر قىزمەتكەرلەرى، ازاماتتارى مەن باسقا دا شەتەلدىكتەر ۋاقىتشا ەۆاكۋاتسيالاندى، دەپ حابارلايدى Egemen.kz.

«اقش قازاقستان ۇكىمەتىنە 12 قاڭتاردا اقش كونسۋلدىعىنىڭ كەيبىر قىزمەتكەرلەرىن، اقش ازاماتتارىن جانە باسقا دا شەتەل ازاماتتارىن الماتىدان ۋاقىتشا ەۆاكۋاتسيالاۋدى قولداعانى ءۇشىن العىس بىلدىرەدى. قازاقستان ارقاشان امەريكا قۇراما شتاتتارىنىڭ سەنىمدى دوسى بولعان. ءبىز قازاقستاندىقتاردىڭ تاباندىلىعىنا جانە ولاردىڭ وسى داعدارىستان قالپىنا كەلۋ قابىلەتىنە سەنەمىز»، دەلىنگەن اقش ديپلوماتيالىق ميسسياسىنىڭ باسپاسوزگە ارنالعان رەسمي مالىمدەمەسىندە.

بۇعان دەيىن، 6 قاڭتاردا اقش مەملەكەتتىك حاتشىسى ەنتوني بلينكەن مەن قازاقستاننىڭ سىرتقى ىستەر ءمينيسترى مۇحتار تىلەۋبەردى تەلەفون ارقىلى سويلەستى، ونىڭ بارىسىندا اقش تاراپى قازاقستاننىڭ كونستيتۋتسيالىق ينستيتۋتتارىنا تولىق قولداۋ ءبىلدىردى.

ء«بىزدىڭ بارلىق قىزمەتكەرلەرىمىز جاعداي مۇمكىندىك بەرگەن كەزدە الماتىعا ورالادى دەپ ۇمىتتەنەمىز»، دەپ تولىقتىردى ءباسپاسوز قىزمەتى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار