ESPN تەلەارناسىنىڭ ءتىلشىسى بەرناردو پيلاتتي دەمەتريۋس اندرادە ەكىنشى ورتا سالماققا اۋىسقان جاعدايدا قازاق وعلانى مەكسيكالىق حايمە مۋنگيامەن جۇدىرىقتاسادى دەپ ەسەپتەيدى.
«تۋراسىن ايتساق, جانىبەك ءالىمحان ۇلى كەز كەلگەن مىقتى بوكسشى ءۇشىن ەڭ ءبىر قاۋىپتى قارسىلاس سانالاتىنى ءمالىم. سوققىسى سويقان, ءستيلى ەرەكشە بوكسشىمەن قولعاپ تۇيىستىرۋگە كەز كەلگەن مىقتى تاۋەكەلگە بارماسى انىق. سوندىقتان دەمەتريۋس اندرادە ەكىنشى ورتا سالماققا اۋىسسا, WBO تۇجىرىمى بويىنشا بوس قالعان بەلبەۋگە جانىبەك پەن حايمە مۋنگيا تالاسادى دەپ ەسەپتەيمىن. ءبىر-بىرىنە لايىقتى قارسىلاستاردىڭ شايقاسى جانكۇيەرلەردى قىزىقتىراتىنى داۋسىز», دەيدى ول.
