سونىمەن قاتار 269 ب ۇلىكشى ۇستالىپ, 20 قىلمىستىق ءىس قوزعالعان. سونداي-اق 104 اكىمشىلىك ءىس قوزعالۋدا. جالپى, قاقتىعىس سالدارىنان 15 ادام قازا تاپتى. ونىڭ ىشىندە 2 ازامات قۇقىق قورعاۋ ورگاندارىنىڭ قىزمەتكەرى بولسا, 13 ادام جاپپاي تارتىپسىزدىككە قاتىسۋشىلار بولىپ وتىر. ال وبلىس اكىمدىگىن ورتەگەن بەلسەندى 4 ادام ۇستالىپ, 2 كالاشنيكوۆ اۆتوماتى تاركىلەنگەن.
قارۋلانعان توپقا قارسى پوليتسيا دەپارتامەنتى, ۇلتتىق قاۋىپسىزدىك كوميتەتىنىڭ وبلىس بويىنشا دەپارتامەنتى مەن «وڭتۇستىك» وڭىرلىك اسكەري قولباسشىلىعىنىڭ 2 مىڭنان استام قىزمەتكەرى مەن 100-دەن استام ارنايى تەحنيكاسى جۇمىلدىرىلعان. ب ۇلىكشىلىك كەزىندە 283 ادام دارىگەرلەر كومەگىنە جۇگىنگەن بولسا, بۇگىندە 42 ادام اۋرۋحانادا جاتىر. تەمىر جول ۆوكزالىندا تۇنگى ساعات 23:00-دەن كەيىن پويىزدان تۇسەتىن جولاۋشىلاردى ارنايى كەزەكشى اۆتوبۋستار تاسىمالدايدى. بۇگىندە قىلمىسكەرلەردى ۇستاۋ, جەدەل ىزدەستىرۋ شارالارى جالعاسۋدا. وبلىس بويىنشا 29 بلوك-بەكەت جۇمىس ىستەپ تۇر. ونىڭ ىشىندە تاراز قالاسىنىڭ كىرىس-شىعىس قاقپالارىنا 10 بلوك-بەكەت قويىلعان. وبلىس, قالا اۋماعىنا كىرىپ-شىعاتىن بارلىق كولىكتەر تەكسەرىلۋدە.
وبلىس اكىمى بەردىبەك ساپارباەۆ مەملەكەت باسشىسى قاسىم-جومارت توقاەۆ جۇكتەگەن تاپسىرمالاردى باقىلاۋعا الۋ, ونىڭ ورىندالۋ بارىسىن تەكسەرۋ ماقساتىندا جيىن وتكىزدى. ءتيىستى باسشىلارعا زارداپ شەككەن نىسانداردى قالپىنا كەلتىرۋ, كولىكتەر شىعىنىن ەسەپتەۋ بويىنشا ناقتى تاپسىرمالار بەردى. سونىمەن قاتار وڭىردەگى جاپپاي تارتىپسىزدىككە شامامەن 2 مىڭعا تارتا ادام قاتىسقانىن, ازىرگە 269 ب ۇلىكشى ۇستالعانىن, باسقا دا بەلسەندىلەردى ۇستاۋ بويىنشا شارالاردى جەدەلدەتۋ قاجەتتىگىن ايتتى. «ارانداتۋشىلار مەن كۇدىكتىلەردى انىقتاۋ بويىنشا اۋدان, اۋىلدىق اكىمدىكتەر مەن پوليتسيا ينسپەكتورلارى بەلسەندى ارەكەت ەتۋى ءتيىس. كۇندەلىكتى مالىمەتتەردى شتاب وتىرىسىندا سارالاپ وتىرمىز. حالىقتى جىلۋ, سۋ, گاز, جارىقپەن قامتۋدا ەشقانداي ماسەلە بولماۋى كەرەك. پرەزيدەنتتىڭ تاريفتەردىڭ, جانار-جاعارمايدىڭ, گازدىڭ جانە ازىق-ت ۇلىكتىڭ باعاسىن كوتەرمەۋ, قاجەتتى قورىن قالىپتاستىرۋ بويىنشا تاپسىرمالارى ورىندالۋى ءتيىس. اسىرەسە الەۋمەتتىك ماڭىزدى تاۋارلاردىڭ جەتكىلىكتى بولۋىن, باعاسىنىڭ وسپەۋىن باقىلاۋدا ۇستاڭىزدار», دەدى ب.ساپارباەۆ.
جامبىل وبلىسى
