ءماجىلىس وتىرىسىنا بەينەبايلانىس ارقىلى قاتىسقان مەملەكەت باسشىسى قاسىم-جومارت توقاەۆ قر پرەمەر-ءمينيسترى لاۋازىمىنا تاعايىنداۋعا كەلىسىم بەرۋ ءۇشىن ءاليحان اسحان ۇلى سمايىلوۆتىڭ كانديداتۋراسىن دەپۋتاتتاردىڭ قاراۋىنا ۇسىنعان بولاتىن.
تالقىلاۋ بارىسىندا ءماجىلىس دەپۋتاتتارى پرەزيدەنتتىڭ ۇسىنىسىن ءبىراۋىزدان قولداپ, ءاليحان سمايىلوۆتىڭ ۇكىمەت باسشىسى بولىپ تاعايىندالۋىنا كەلىسىم بەردى.
ءاليحان سمايىلوۆ 1972 جىلى الماتى قالاسىندا دۇنيەگە كەلگەن.
1994 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن «قولدانبالى ماتەماتيكا» ماماندىعى بويىنشا تامامداعان.
1996 جىلى قر پرەزيدەنتى جانىنداعى قازاقستان مەنەدجمەنت, ەكونوميكا جانە بولجامداۋ ينستيتۋتىنىڭ مەملەكەتتىك باسقارۋ ماگيسترى دارەجەسىنە يە بولدى.
1993–1999 جىلدارى — «ا-ينۆەست» ينۆەستيتسيالىق–جەكەشەلەندىرۋ قورىنىڭ باس مامانى; ءبولىم باسشىسىنىڭ ورىنباسارى, قر ۇلتتىق ستاتيستيكا اگەنتتىگىنىڭ باسقارما باسشىسى;
قر ستاتيستيكالىق جوسپارلاۋ جانە رەفورمالار جونىندەگى اگەنتتىگىنىڭ ستاتيستيكا جانە تالداۋ كوميتەتى توراعاسىنىڭ ورىنباسارى; باس ساراپشى, ەكونوميكا سەكتورىنىڭ مەڭگەرۋشىسى, قر پرەزيدەنتى اكىمشىلىگىنىڭ مەملەكەتتىك ينسپەكتورى بولىپ قىزمەت اتقارعان.
1999–2003 جج. — قر ستاتيستيكا اگەنتتىگىنىڭ توراعاسى.
2003–2006 جج. — قر سىرتقى ىستەر ۆيتسە-ءمينيسترى, «ەكسپورتتىق نەسيەلەر مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كومپانياسى» اق باسقارما توراعاسى.
2006–2009 جج. — قر قارجى ۆيتسە-ءمينيسترى, «قازاگرو» ۇح پرەزيدەنتى.
2009–2014 جج. — قر ستاتيستيكا اگەنتتىگىنىڭ توراعاسى.
2014–2015 جج. — قر ۇلتتىق ەكونوميكا مينيسترلىگىنىڭ ستاتيستيكا جونىندەگى كوميتەتىنىڭ توراعاسى.
2015 جىلدىڭ جەلتوقسانىندا مەملەكەت باسشىسىنىڭ جارلىعىمەن قر پرەزيدەنتىنىڭ كومەكشىسى بولىپ تاعايىندالدى.
2018 جىلعى قىركۇيەكتەن باستاپ 2019 جىلعى اقپانعا دەيىن — قارجى ءمينيسترى.
2019 جىلعى 25 اقپاندا پرەزيدەنت جارلىعىمەن پرەمەر-ءمينيستردىڭ ءبىرىنشى ورىنباسارى – قارجى ءمينيسترى قىزمەتىنە تاعايىندالدى.
2021 جىلى 18 قاڭتاردا قر پرەزيدەنتىنىڭ جارلىعىمەن پرەمەر-ءمينيستردىڭ ءبىرىنشى ورىنباسارى بولىپ قايتا تاعايىندالعان ەدى.
