«كەشە عانا ءبىز كونتينگەنتىمىزدى ورنالاستىرۋدى تولىق كولەمدە اياقتادىق. ءتورت تاۋلىك ىشىندە رەسەي فەدەراتسياسىنىڭ اۋە-عارىش كۇشتەرىنىڭ ۇشاقتارى 108-دەن استام ۇشاق-رەيس جاسادى», دەدى ستانيسلاۆ زاس ۇقشۇ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسىندا سويلەگەن سوزىندە.
ۇجىمدىق بىتىمگەرشىلىك كۇشتەرىنىڭ كونتينگەنتتەرى ەلوردادا, الماتى قالالارىندا جانە الماتى وبلىسىندا ورنالاسقاندىعى اتاپ ءوتىلدى.
كوماندالىق پۋنكت الماتى قالاسىنداعى قۇرلىق اسكەرلەرى اسكەري ينستيتۋتىنىڭ بازاسىندا اشىلدى. اسكەري كونتينگەنتتەردى ماتەريالدىق-تەحنيكالىق جاراقتاندىرۋدى جىبەرۋشى مەملەكەتتەر, سونداي-اق ەكىجاقتى جانە كوپجاقتى نەگىزدە ۇيىمداستىردى. قازاقستاندىق تاراپپەن كەلىسىلگەن وپەراتسيا جوسپارىنا سايكەس ۇجىمدىق بىتىمگەرشىلىك كۇشتەر جاعدايدى تۇراقتاندىرۋ ءۇشىن ماڭىزدى اسكەري جانە مەملەكەتتىك وبەكتىلەردى كۇشەيتۋ جانە قورعاۋ جونىندەگى مىندەتتەردى ورىنداۋعا كىرىستى», دەپ تولىقتىردى ستانيسلاۆ زاس.
