ەلوردا • 10 قاڭتار، 2022

التاي كولگىنوۆ: ەلوردادا جاعداي تۇراقتى

40 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ ءوزىنىڭ Instagram پاراقشاسىندا قالا تۇرعىندارىن توتەنشە جاعداي رەجيمىنىڭ بارلىق ەرەجەلەرىن ساقتاۋعا جانە سەنىمدى دەرەككوزدەردە جاريالانعان اقپاراتتارعا عانا سەنۋگە شاقىردى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

«قۇرمەتتى قالا تۇرعىندارى! قالامىزدا جاعداي تۇراقتى. دەگەنمەن، قۇقىق قورعاۋ ورگاندارىنىڭ ءبارى جۇمىسىن كۇشەيتىلگەن رەجيمدە جالعاستىرۋدا. ەلوردانىڭ پەريمەترى بويىنشا بلوكپوستتار ورناتىلدى، سول سياقتى پوليتسيا قىزمەتكەرلەرى اۋلالاردى جانە پاتەرلەردى ارالايدى.

وزدەرىڭىز بىلەتىندەي، قالامىزعا ساعات 23:00-دەن 7:00-گە دەيىن كومەندانتتىق ساعات ەنگىزىلدى. پوليتسيا قالانى كۇزەتەدى. بۇل ۋاقىتتا تۇرعىنداردىڭ سىرتقا شىعۋىنا تىيىم سالىنادى.

قالا تۇرعىندارىن وزدەرى مەن جاقىندارىنىڭ قاۋىپسىزدىگى ءۇشىن تج رەجيمىنىڭ بارلىق ەرەجەسىن ساقتاۋعا، ادام كوپ جينالاتىن ورىندارعا بارماۋعا، دەسترۋكتيۆتى كۇشتەردىڭ ارانداتۋىنا ەرمەۋگە، تەك رەسمي اقپارات كوزدەرىنە سەنۋگە شاقىرامىن»، دەپ جازدى قالا اكىمى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

ۇقساس جاڭالىقتار