جاپپاي تارتىپسىزدىك سالدارىنان ومىرمەن قوش ايتىسقان ازاماتتاردىڭ رۋحىنا ارنالىپ, «ازىرەت سۇلتان» مەشىتىندە قۇران باعىشتالدى. ءىس-شاراعا قازاقستان مۇسىلداندارى ءدىني باسقارماسىنىڭ توراعاسى, باس ءمۇفتي ناۋرىزباي قاجى تاعان ۇلى باستاعان بىرنەشە يمام قاتىستى.
«اسا راقىمدى, مەيىرىمدى اللانىڭ اتىمەن باستايمىن. 10 قاڭتار – ەلىمىزدە ازا تۇتۋ كۇنى. ەلدى قورعاۋ جولىندا جانىن قيعان جانداردىڭ جاتقان جەرى جايلى بولسىن. ولاردىڭ ارتتا قالعان باۋىرلارى مەن جاقىندارىنا اللا سابىر بەرسىن. وكىنىشكە قاراي, سوڭعى بىرنەشە تاۋلىكتە ەلىمىز وتە قيىن كۇندەردى باستان وتكەرۋدە. ءاربىر قيىنشىقتان كەيىن جاقسىلىق بولاتىنى بەلگىلى. سوندىقتان اللا بىزگە بەيبىت كۇنىمىزدى قايتا بۇيىرتسىن», دەدى باس ءمۇفتي.
قازاقستانداعى تارتىپسىزدىك كەزىندە كۇشتىك قۇرىلىمداردىڭ 16 قىزمەتكەرى باقيلىق بولدى.
