«قازاقستانداعى وقيعالار سىني سيپاتقا يە بولدى. الماتى مەن توعىز وبلىس ورتالىعى لاڭكەستەردىڭ قولىندا بولدى. ءبىز تەرروريزمگە قارسى وپەراتسيا رەجيمىن جاريالادىق. قازاقستان ۇقشۇ-عا كومەك ءۇشىن جۇگىندى. ەلورداعا ءۇش اسكەري-كولىك ۇشاعىنىڭ كەلگەنىن بىلگەن سودىرلار پرەزيدەنتتىك رەزيدەنتسيانى باسىپ الۋ جوسپارىنان باس تارتتى. بۇل بىزگە الماتىعا قوسىمشا كۇش جىبەرۋگە جانە قالانى تەرروريستەردەن ارىلتۋعا مۇمكىندىك بەردى», دەدى مەملەكەت باسشىسى.
ونىڭ ايتۋىنشا, بۇگىنگى تاڭدا ۇجىمدىق قاۋىپسىزدىك كەڭەسىنىڭ شەشىمىنە سايكەس قازاقستان رەسپۋبليكاسىندا ۇقشۇ-نىڭ ۇجىمدىق بىتىمگەرشىلىك كۇشتەرى 2030 ادام مەن 250 بىرلىك تەحنيكانى ورنالاستىرىپ, قويىلعان مىندەتتەردى ورىنداۋعا كىرىستى.
«ولار اۋەجايلاردى, اسكەري قويمالاردى جانە باسقا دا ستراتەگيالىق نىسانداردى جابۋ جانە قاۋىپسىزدىگىن قامتاماسىز ەتۋ فۋنكتسيالارىن جۇزەگە اسىرادى. ءسال كەيىنىرەك ۇقشۇ باس حاتشىسىنىڭ ىسكە اسىرىلىپ جاتقان مىندەتتەر تۋرالى بايانداماسىن تىڭدايمىز», دەدى قاسىم-جومارت توقاەۆ.
