«كەيىنگى ۋاقىتتا باق پەن الەۋمەتتىك جەلىلەردە قازاقستاننىڭ تۇڭعىش پرەزيدەنتىنە قاتىستى كوپتەگەن قاۋەسەتتەر مەن ارانداتۋشىلىق جازبالار تارالۋدا. قازىرگى جاعدايدا مۇنداي ارەكەتتى ساياسي جاعدايدى تۇراقسىزداندىرۋ جانە مەملەكەتتىڭ كونستيتۋتسيالىق نەگىزدەرىن بۇزۋ ارەكەتى رەتىندە قاراستىرامىز.
بۇرىن مالىمدەگەنىمدەي, ەلباسى وسى كۇندەردە نۇر-سۇلتان قالاسىندا بولىپ, مەملەكەت باسشىسىنا قولداۋ كورسەتۋدە. الايدا, جاعداي وتە قيىن بولدى, سوندىقتان ەلباسىنىڭ ءوزى قاۋىپسىزدىك كەڭەسىنىڭ توراعاسى لاۋازىمىن پرەزيدەنتكە بەرۋ تۋرالى شەشىم قابىلدادى. ويتكەنى ول ەلدە بولىپ جاتقان تارتىپسىزدىكتەر مەن تەررورلىق ىستەر مەملەكەت باسشىلىعىنان جەدەل, قاتاڭ جانە ىمىراسىز جاۋاپ تالاپ ەتەتىنىن جاقسى ءبىلدى», دەلىنگەن تۇسىنىكتەمەدە.
سونداي-اق ول ەلباسى مەن پرەزيدەنت حالىقتى, ەلدىڭ بولاشاعىن ويلاۋدا ءبىر قاتاردان تابىلعانىن اتاپ وتكەن.
«ەلباسى مەن مەملەكەت باسشىسى ءوز حالقىن, ەلىن جانە ۇلت بولاشاعىن قورعاۋ ىسىندە ءاردايىم ءبىر شەپتە ارەكەت ەتتى. وسى قيىن-قىستاۋ كۇندەردە ولار مەملەكەتتىك بيلىكتىڭ ءبىرتۇتاس ەكەنىن تاعى دا كورسەتتى.
وسىناۋ قيىن-قىستاۋ كەزەڭدە نۇرسۇلتان نازارباەۆ بارلىق ازاماتتاردى حالقىمىزدىڭ بىرلىگى مەن تۇتاستىعىن كورسەتۋگە جانە پرەزيدەنتىمىز – قاسىم-جومارت توقاەۆقا تەرروريستەرگە قارسى كۇرەستە جانە قازاقستانداعى ءومىردى قالىپقا كەلتىرۋدە قولداۋ كورسەتۋگە شاقىرادى.
ەلباسى تەرروريستىك شابۋىلدار كەسىرىنەن ادامداردىڭ قازا بولۋىنا بايلانىستى قايعىرادى جانە قازا تاپقانداردىڭ وتباسىلارىنا شىن جۇرەكتەن كوڭىل ايتادى», دەلىنگەن ايدوس ۇكىبايدىڭ مالىمدەمەسىندە.
