7 قاڭتار – قىتاي تاراپىنىڭ باستاماسى بويىنشا قازاقستان رەسپۋبليكاسىنىڭ پرەمەر-ءمينيسترى ورىنباسارىنىڭ م.ا. - سىرتقى ىستەر ءمينيسترى مۇحتار تىلەۋبەردى قحر ەلشىسى چجان سياونى قابىلدادى.
ەلشى قحر توراعاسى سي ءتسزينپيننىڭ مەملەكەت باسشىسىنىڭ اتىنا قولداۋ جانە ەلىمىزدەگى جاعدايدىڭ تەز ارادا تۇراقتانۋىنا سەنىم ءبىلدىرۋ سوزدەرىمەن جولداعان جولداۋىن جەتكىزدى.
ديپلوماتتىڭ ايتۋىنشا, قىتاي تاراپى قازاقستانداعى تۇراقتىلىق پەن قاۋىپسىزدىككە نۇقسان كەلتىرەتىن كەز كەلگەن كۇشكە قارسى, ال قىتاي ەلىمىزدىڭ ادال دوسى جانە سەنىمدى سەرىكتەسى بولىپ تابىلادى.
مينيستر ەلدەگى جاعداي جانە ۇقشۇ كۇشتەرىنىڭ قاتىسۋىمەن جۇرگىزىلىپ جاتقان تەرروريزمگە قارسى وپەراتسيا تۋرالى حابارلادى.
