«مەملەكەت باسشىسىنىڭ قارجى جۇيەسىن تۇراقتاندىرۋدى قامتاماسىز ەتۋ بويىنشا تاپسىرماسىن ورىنداۋ بارىسىندا قازاقستاننىڭ ۇلتتىق بانكى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن جانە باسقا دا مۇددەلى مەملەكەتتىك ورگاندارمەن بىرلەسىپ, ەكىنشى دەڭگەيلى بانكتەردىڭ ءموبيلدى قوسىمشالارىن قالپىنا كەلتىرۋ بويىنشا جۇمىستار جۇرگىزدى», دەلىنگەن حابارلامادا.
وعان سايكەس, ەلىمىزدەگى ءىرى بانكتەردىڭ - Halyk Bank (Homebank قوسىمشاسى) پەن Kaspi.kz كليەنتتەرى ءموبيلدى قوسىمشالاردى ينتەرنەتكە كىرمەي-اق قولدانا الادى. ول ءۇشىن ءموبيلدى بايلانىس بولۋى شارت. سونىڭ ىشىندە, الماتى قالاسىنىڭ تۇرعىندارىنا دا بانك قوسىمشالارى قولجەتىمدى.
تۇرعىندار ادەتتەگىدەي قوسىمشا ارقىلى ەسەپ ايىرىسىپ, ءموبيلدى تولەمدەر جانە باسقا دا قاجەتتى وپەراتسيالار جۇرگىزە الادى.
قازىرگى ۋاقىتتا باسقا دا ەكىنشى دەڭگەيلى بانكتەردىڭ ءموبيلدى قوسىمشالارىن قالپىنا كەلتىرۋ جۇمىسى ءجۇرىپ جاتىر.
