قازاقستان رەسپۋبليكاسى پرەزيدەنتىنىڭ جارلىعى

ا.مۇحامەدي ۇلىن قازاقستان رەسپۋبليكاسىنىڭ مادەنيەت ءمينيسترى قىزمەتىنە تاعايىنداۋ تۋرالى ارىستانبەك مۇحامەدي ۇلى قازاقستان رەسپۋبليكاسىنىڭ مادەنيەت ءمينيسترى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2014 جىلعى 11 ناۋرىز №766  

ارىستانبەك مۇحامەدي ۇلى

1963 جىلى تۋعان. قۇرمانعازى اتىنداعى ال­ماتى مەملەكەتتىك كونسەرۆاتورياسىن, قازاقستان رەسپۋبليكاسى پرەزيدەنتىنىڭ جانىنداعى ۇلتتىق جوعارى مەملەكەتتىك باسقارۋ مەكتەبىن بىتىرگەن. تاريح عىلىمدارىنىڭ كانديداتى. كونسەرۆاتوريانى بىتىرگەننەن كەيىن جامبىل اتىنداعى قازاق مەملەكەتتىك فيلارمونياسىنىڭ مەملەكەتتىك سيمفونيالىق وركەسترىندە مامان­دىعى بويىنشا جۇمىس ىستەدى. 1991-1994 جىلدارى رەسپۋبليكانىڭ مادەنيەت مينيسترلىگىندە مامان, ءمينيستردىڭ كومەكشىسى بولىپ ەڭبەك ەتتى. «گۇلدەر» مەملەكەتتىك ءانسامبلىنىڭ ديرەكتورى, رەسپۋبليكالىق ۇلاننىڭ پرەزيدەنتتىك وركەسترىنىڭ باستىعى, مادەنيەت, اقپارات جانە قوعامدىق كەلىسىم مينيسترلىگىنىڭ رەسپۋبليكالىق جانە حالىقارالىق مادەني باعدارلامالار ديرەكتسياسىنىڭ باس ديرەكتورى, «قازاق اۋەندەرى» اكتسيونەرلىك قوعامىنىڭ پرەزيدەنتى قىزمەتتەرىن اتقاردى. مادەنيەت جانە اقپارات ۆيتسە-ءمينيسترى قىزمەتىنە تاعايىندالدى. قازاقستان رەسپۋبليكاسى پرەزيدەنتى اكىمشىلىگىنىڭ ىشكى ساياسات ءبولىمىنىڭ باس ينسپەكتورى, سەكتور مەڭگەرۋشىسى بولىپ جۇمىس ىستەدى. 2008 جىلعى ساۋىردەن – ت.ق.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى.  

حرونيكا

مەملەكەت باسشىسىنىڭ جارلىعىمەن مۇحتار ابرار ۇلى قۇل-مۇ­حاممەد باسقا جۇمىسقا اۋىسۋىنا بايلانىستى قازاقستان رەسپۋب­لي­كاسىنىڭ مادەنيەت جانە اقپارات ءمينيسترى قىزمەتىنەن بوساتىلدى.

* * *

مەملەكەت باسشىسىنىڭ وكىمدەرىمەن: مۇحتار ابرار ۇلى قۇل-مۇحاممەد قازاقستان رەسپۋبليكاسى پرە­زيدەنتىنىڭ كەڭەسشىسى قىزمەتىنە تاعايىندالدى; ارىستانبەك مۇحامەدي ۇلى باسقا جۇمىسقا اۋىسۋىنا بايلانىستى ت.ق.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى قىزمەتىنەن بوساتىلدى.