كومەنداتۋرادا ءمالىم ەتكەندەي, تارتىپسىزدىكتى جاقتاۋشىلار قالاعا ۇلكەن شىعىن كەلتىردى. قۇقىق قورعاۋ ورگاندارىنىڭ ءتارتىپ پەن قاۋىپسىزدىكتى قامتاماسىز ەتۋ جونىندەگى زاڭدى ارەكەتتەرىنە قارسى بولدى.
«ەكسترەميستەر بيزنەسكە زيان كەلتىرىپ, توناۋشىلىققا بارۋدا. سونىمەن قاتار, ولار بەيبىت تۇرعىنداردىڭ ءومىرى مەن دەنساۋلىعىنا قاۋىپ ءتوندىرىپ, مەديتسينا قىزمەتكەرلەرىنىڭ جۇمىسىنا كەدەرگى كەلتىرىپ, ەمحانالار مەن اۋرۋحانالارعا زيان كەلتىرەدى. الماتىداعى بانديتتىك توپتاردىڭ جوعارى دەڭگەيدە ۇيىمداستىرىلۋى شەتەلدە شىنداپ دايىندىقتان وتكەنىن ايعاقتايدى. ولاردىڭ قازاقستانعا شابۋىلى – باسقىنشىلىق ارەكەت, مەملەكەتتىڭ تۇتاستىعىنا نۇقسان كەلتىرۋ ارەكەتى. بەيبىتشىلىك پەن تۇراقتىلىقتى قامتاماسىز ەتۋ ماقساتىندا مەملەكەت باسشىسى قاسىم-جومارت توقاەۆ ۇقشۇ بويىنشا ارىپتەستەرىنە كومەك سۇراپ جۇگىندى. بۇل شارا مەملەكەتتى سىرتقى قاتەردەن قورعاۋ ءۇشىن قاجەت. قالادا ءتارتىپ ورناتۋ ماقساتىندا لاڭكەستىككە قارسى ارنايى وپەراتسيا باستالدى. ءبىزدىڭ ءال-اۋقاتىمىزبەن بولاشاعىمىزعا قاۋىپ توندىرەتىن لاڭكەستىك پەن بانديتيزم ارەكەتتەرىن بىرگە توقتاتا الامىز.
الماتى قالاسىنىڭ كومەنداتۋراسى تۇرعىنداردى تىنىشتىق ساقتاپ, قۇقىق قورعاۋ ورگاندارىنا كونستيتۋتسيالىق ءتارتىپتى ورناتۋعا جانە قوعامدىق قاۋىپسىزدىكتى ورناتۋعا جاردەم كورسەتۋگە شاقىرادى», - دەلىنگەن رەسمي مالىمدەمەدە.
