بۇل تۋرالى پرەزيدەنت ەلىمىزدەگى الەۋمەتتىك-ەكونوميكالىق جاعدايعا قاتىستى وتكىزگەن كەڭەستە مالىمدەدى.
«قاسىم-جومارت توقاەۆ ەلىمىزدە قالىپتاسقان كۇردەلى قوعامدىق-ساياسي جانە الەۋمەتتىك-ەكونوميكالىق جاعدايعا توقتالىپ, سۇيىتىلعان گاز باعاسىنىڭ ارتۋىنا بايلانىستى حالىقتىڭ نارازىلىعىن تۋدىرعانى ءۇشىن ۇكىمەت, سونىڭ ىشىندە ەنەرگەتيكا مينيسترلىگى, سونداي-اق «قازمۇنايگاز» بەن «قازاقگاز» كاسىپورىندارى كىنالى ەكەنىن ايتتى», دەلىنگەن اقوردا تاراتقان حابارلامادا.
پرەزيدەنت الماتى قالاسى مەن ماڭعىستاۋ وبلىسىندا توتەنشە جاعداي ەنگىزىلگەننەن كەيىن احۋال بىرتىندەپ تۇزەلەتىنىن اتاپ ءوتتى. سونداي-اق جاعدايدى تۇراقتاندىرۋعا قاتىستى تاپسىرمالار بەرىلگەنىن مالىمدەدى.
