وسىلايشا, جاستاردىڭ نەگىزگى قۇندىلىقتارى سوڭعى 5 جىل بويى وزگەرىسسىز قالدى. وتكەن جىلدارداعىداي جاستار اراسىنداعى باستى قۇندىلىق – وتباسى (82,5%), ەكىنشى ورىندا – دەنساۋلىق (45,6%), ءۇشىنشى ورىندا – دوستىق (23,1%).
ساۋالداماعا قاتىسقان جاستاردىڭ 72,3%-ى وزدەرىنىڭ دەنساۋلىقتارىن مىقتى دەپ سانايدى, 44,8% ۇنەمى پروفيلاكتيكالىق تەكسەرۋدەن وتەدى. جاستاردى بۇقارالىق سپورتقا تارتۋ پروتسەسىندە دە وڭ ديناميكا بار ەكەنىن اتاپ وتكەن ءجون – جاستاردىڭ 60,9%-ى سپورتپەن جۇيەلى تۇردە شۇعىلدانادى. سونداي-اق عىلىم سالاسىندا دا وڭ ديناميكا بايقالادى: سوڭعى 9 جىلدا 35 جاسقا دەيىنگى عالىمدار سانى 21% ارتتى.
جالپى, جاستاردىڭ 78% بولاشاققا زور سەنىممەن, بىرقالىپتى قارايدى.
