قازاقستان تاۋەلسىزدىگىنىڭ 30 جىلدىق مەرەكەسى اياسىندا ۇيىمداستىرىلعان بايقاۋدا ەلدىمەكەندەرمەن قاتار قاراپايىم ەڭبەك ادامدارى دا دارىپتەلدى. اۋىل ازاماتتارىن شارۋاشىلىقپەن اينالىسۋعا ىنتالاندىرۋ ماقساتىندا ەرەكشە كوزگە تۇسكەن 3 وتباسى ارنايى ىنتالاندىرۋ سىيلىقتارىنا يە بولدى.
تەرەكتى اۋدانى بويىنشا 9 700-دەن استام اۋلا بار ەكەن. سونىڭ 4 385-ءى جەكە قوسالقى شارۋاشىلىعىن دامىتىپ, ەڭبەك ءدامىن تاتىپ وتىر. بيىلعى بايقاۋدا اقجايىق اۋىلدىق وكرۋگىنەن – دجۋرشەشوۆتار وتباسى, اقسوعىم اۋىلىنان –ارىستانوۆتار, اقسۋات اۋىلىنان – ساربوپەەۆتەر, اڭقاتى اۋىلىنان – تورەاليەۆتەر, بوگدانوۆ, دولين, نوۆوپاۆلوۆ, پودستەپنىي, پوكاتيلوۆ, پريرەچنىي اۋىلدارىنان – كيرپيچنيكوۆ, ليتۆين, ۆلاسوۆ, يۋسۋپوۆ, دولبنيا, كاينۋشەۆتەر, ۇزىنكول اۋىلىنان – ەلەكباەۆ, شاعان اۋىلىنان – ساقتاعانوۆ, شاعاتاي اۋىلىنان – قازمۇحانبەتوۆ, شالقار اۋىلىنان – جيەنباەۆ, فەدوروۆ اۋىلدىق وكرۋگىنەن – ياروشەنكولار وتباسى جەڭىمپاز دەپ تانىلعان.
جۇلدەگەرلەردى قۇتتىقتاۋعا ارنالعان سالتاناتتى شاراعا وبلىس اكىمىنىڭ ءبىرىنشى ورىنباسارى ارمان وتەعۇلوۆ قاتىسىپ, تۇرعىنداردى جاڭا جىلمەن قۇتتىقتادى. اۋىلدى اباتتاندىرۋعا بەلسەنە اتسالىسقانى ءۇشىن جەڭىمپاز وتباسىلارعا موتوكۋلتيۆاتور تارتۋ ەتتى.
«مەملەكەت تاراپىنان شاعىن جانە ورتا بيزنەستى دامىتۋعا نەگىزدەلگەن كوپتەگەن باعدارلاما بار. بيىلدىڭ وزىندە اۋداندا 375 ادام گرانت الىپ, قۇس, مال شارۋاشىلىعىن دوڭگەلەتتى. گرانت الۋ ارقىلى ءسۇتتى باعىتتاعى سيىر شارۋاشىلىعىن جولعا قويىپ, اۋىلشارۋاشىلىق وندىرىستىك كووپەراتيۆكە جان ءبىتىرىپ جاتقان جەرلەستەرىمىز دە جەتەرلىك. وكىنىشكە قاراي, ءالى دە ەشقانداي شارۋاشىلىقپەن شۇعىلدانبايتىن 4 356 اۋلا بار. بۇگىنگىدەي شارالار ارقىلى سول تۇرعىنداردى ەڭبەككە تارتىپ, بوس جۇرگەن جاستاردى ەڭبەكقورلىققا باعىتتاي الساق, جوبامىزدىڭ ماقساتقا جەتكەنى دەپ بىلەمىن», دەيدى تەرەكتى اۋدانىنىڭ اكىمى تىلەك عابدۋشەۆ.
باتىس قازاقستان وبلىسى
