مىسالى, قاراعاندى وبلىسىندا اكادەميك قىلىش باباەۆ اتىنداعى اۋىلشارۋاشىلىق تاجىريبە ستانساسى جانىنان عىلىمي-وندىرىستىك ورتالىق قۇرىلدى. عالىمدار جەم وندىرەتىن فەرمەرلەردى ساپالى تۇقىمدارمەن قامتاماسىز ەتۋدى كوزدەيدى. ياعني اتالعان ورتالىق مال ازىعى بازاسىن دامىتۋمەن اينالىساتىن بولادى.
ا.حريستەنكو اتىنداعى قاراشتس باسقارما توراعاسى دارحان بالپانوۆ الداعى ۋاقىتتا ءوندىرىستى ءارتاراپتاندىرۋ قاجەتتىگى تۋىنداپ وتىرعانىن ايتادى.
– قاراعاندى اۋىلشارۋاشىلىق تاجىريبە ستانساسى بۇرىننان بەرى ءداستۇرلى تۇردە ءداندى داقىلدارمەن اينالىسادى. بۇل باعىت قالا بەرەدى. بىراق ءبىز ءوندىرىستى ءارتاراپتاندىرۋدى قولعا الماقشىمىز. ءوز ستراتەگيامىزدى جاڭا اعىمدار مەن مىندەتتەردى ەسكەرە وتىرىپ تۇزەتتىك. ەگىنشىلىك جانە وسىمدىك شارۋاشىلىعى بويىنشا عىلىمي ورتالىق بولۋعا ۇمتىلامىز. ستانسانىڭ شامامەن 12 مىڭ گەكتار جەرى بار, ونىڭ ءبىر بولىگىن قازىر جەمشوپ وندىرىسىنە ءبولىپ جاتىرمىز, – دەيدى ول.
جاڭادان قۇرىلعان عىلىمي-وندىرىستىك ورتالىقتىڭ نەگىزگى مىندەتى – قۋاڭشىلىققا ءتوزىمدى جەمشوپ داقىلدارىنىڭ تۇقىم شارۋاشىلىعىن دامىتۋ. وسى باعىتتا ولار وتاندىق عىلىمي ينستيتۋتتارمەن جانە حالىقارالىق ۇيىمدارمەن ىنتىماقتاستىق ورناتۋدى جوسپارلاپ وتىر.
دارحان بالپانوۆ مامانداردىڭ ءبىلىم-بىلىگى مەن كۇش-جىگەرى سۇرىپتاردى ازىرلەۋگە, تەكسەرۋگە, بەيىمدەۋگە جانە بۋدانداستىرۋعا باعىتتالاتىنىن اتاپ ءوتتى. مىسالى, ورتالىق الداعى ۋاقىتتا وسىمدىكتىڭ ماقسارى دەگەن ءتۇرىن وسىرۋگە ەرەكشە نازار اۋدارماق. نەگە دەسەڭىز, بۇل ءداندى داقىل الەمدىك نارىقتا سۇرانىسقا يە جانە ول قۇرعاقشىلىق جاعدايىنا جىلدام بەيىمدەلەدى.
قاراعاندى وبلىسى
