كيريلل دۋكارت 3 قاڭتاردا ساعات 10:00-دە ءۇيىر جىلقى ىزدەۋگە كەتىپ, ورالماعان. ونى ىزدەۋگە توتەنشە جاعدايلار قىزمەتىنىڭ پوليتسەيلەرى, كينولوگيالىق قىزمەت كورسەتۋ ورتالىعىنىڭ قىزمەتكەرلەرى, ەرىكتىلەر مەن جەرگىلىكتى اتقارۋشى ورگاندار شىقتى. 110 ادام مەن 26 تەحنيكا جۇمىلدى.
كيريلل تۇندە مايكول اۋىلدىق وكرۋگىنە قاراستى شەمينوۆكا اۋلىندا تابىلعان.
Alau.kz پورتالىنىڭ مالىمەتىنشە, كيريلل قارلى بوران كەسىرىنەن اداسىپ, قايتار جولىن تاپپاي قالعان. ءسويتىپ, ساعات 23.30-دا شەمينوۆكا اۋلىنا جەتىپ, ءبىرىنشى كەزدەسكەن ءۇيدىڭ ەسىگىن قاعىپ, جىلىنىپ الۋدى سۇراعان. سول ءۇيدىڭ تۇرعىندارى جوعالعان ادام تابىلعانىن حابارلاعان.
ءجاسوسپىرىمدى مەديتسينالىق قىزمەتتىڭ كەزەكشى قىزمەتكەرلەرى تەكسەرگەن. ونىڭ جاعدايى تۇراقتى.
