الپاۋىت اقش, ۇلىبريتانيا جانە سولتۇستىك يرلانديا بىرىككەن كورولدىگى, فرانتسيا, قىتاي, رەسەي ەلدەرىنىڭ باسشىلارى «يادرولىق سوعىستىڭ الدىن الۋ جانە قارۋلانۋ جارىسىنا جول بەرمەۋ تۋرالى» بىرلەسكەن مالىمدەمە قابىلدادى.
«قىتاي حالىق رەسپۋبليكاسى, رەسەي فەدەراتسياسى, ۇلىبريتانيا جانە سولتۇستىك يرلانديا بىرىككەن كورولدىگى, امەريكا قۇراما شتاتتارى, فرانتسيا رەسپۋبليكاسى يادرولىق قارۋى بار مەملەكەتتەر اراسىنداعى سوعىسقا جول بەرمەۋدى جانە ستراتەگيالىق تاۋەكەلدەردى ازايتۋدى وزدەرىنىڭ ءبىرىنشى كەزەكتەگى جاۋاپكەرشىلىگى دەپ ەسەپتەيدى. ءبىز يادرولىق سوعىستا جەڭىمپازدار بولمايتىنىن جانە ونى ەشقاشان تۇتاتپاۋ كەرەك ەكەنىن مالىمدەيمىز», دەلىنگەن قۇجاتتا.
