«مەملەكەت باسشىسىنىڭ 2020 جىلعى 1 قىركۇيەكتەگى «قازاقستان جاڭا ناقتى احۋالدا: ءىس-قيمىل ۋاقىتى» اتتى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ 10-تارماعىندا (قازاقستان رەسپۋبليكاسى پرەزيدەنتىنىڭ 2020 جىلعى 14 قىركۇيەكتەگى № 413 جارلىعىمەن بەكىتىلگەن) «قۇقىقتىق ساياسات تۇجىرىمداماسى شەڭبەرىندە ەگجەي-تەگجەيلى قۇقىقتىق رەگلامەنتتەۋ مەن باسقارۋشىلىق شەشىمدەر قابىلداۋدىڭ يكەمدىلىگى اراسىنداعى تەڭگەرىمدى قامتاماسىز ەتۋ بولىگىندە زاڭنامانى وزگەرتۋگە باعىتتالعان ەرەجەلەردى ىسكە اسىرۋ» ءىس-شاراسى كوزدەلگەن. وسىعان بايلانىستى وسى مىندەتتەردى ىسكە اسىرۋ قازاقستان رەسپۋبليكاسى پرەزيدەنتىنىڭ 2021 جىلعى 15 قازانداعى № 674 جارلىعىمەن بەكىتىلگەن قازاقستان رەسپۋبليكاسىنىڭ 2030 جىلعا دەيىنگى قۇقىقتىق ساياسات تۇجىرىمداماسىنا ەنگىزىلگەن», دەپ جازدى اسقار مامين ءوز جاۋابىندا.
ونىڭ ايتۋىنشا, تۇجىرىمدامادا قۇقىقتىق رەگلامەنتتەۋ دەڭگەيلەرى مەن باسقارۋشىلىق شەشىمدەر قابىلداۋدىڭ يكەمدىلىگى اراسىنداعى تەڭگەرىمدى قامتاماسىز ەتۋ ماقساتىندا قايتا قاراۋ قاجەت نورمالاردى انىقتاۋ تۇرعىسىنان زاڭدارعا تەكسەرۋ جۇرگىزۋ, جەكەلەگەن مەملەكەتتىك ورگاندارعا وسىنداي اكتىلەردىڭ زاڭدىلىعىن باقىلاۋ ماقساتتارىن, قاعيداتتارى مەن تەتىكتەرىن ءبىر مەزگىلدە بەلگىلەي وتىرىپ, زاڭعا تاۋەلدى نورماتيۆتىك قۇقىقتىق اكتىلەردى قابىلداۋ ءۇشىن ديسكرەتسيالىق وكىلەتتىكتەر بەرۋ, سونداي-اق نورماتيۆتىك قۇقىقتىق اكتىنى قابىلداۋدىڭ وڭايلاتىلعان ءتارتىبىن كوزدەۋ قاجەت» دەپ كوزدەلگەن.
«قازىرگى ۋاقىتتا ادىلەت مينيسترلىگى پرەزيدەنت اكىمشىلىگىمەن بىرلەسىپ تۇجىرىمدامانى ىسكە اسىرۋ جونىندەگى ءىس-قيمىل جوسپارىنىڭ جوباسىن پىسىقتاۋدا, وندا زاڭدارداعى ارتىق ناقتىلانعان نورمالاردى انىقتاۋ بويىنشا تالداۋ جۇرگىزۋ جانە ولاردى قايتا قاراۋدىڭ ورىندىلىعىن قاراۋ, سونداي-اق زاڭعا تاۋەلدى نورماتيۆتىك قۇقىقتىق اكتىلەردى قابىلداۋ ماسەلەسىن پىسىقتاۋ كوزدەلگەن. وسىلايشا, ءتيىستى زاڭنامالىق اكتىلەردى ازىرلەۋ جانە قابىلداۋ كوتەرىلىپ وتىرعان ماسەلە بويىنشا تالداۋ جۇرگىزىلگەننەن كەيىن جۇزەگە اسىرىلادى», دەپ اتاپ ءوتتى پرەمەر-مينيستر.
«زاڭداردىڭ تۇراقتىلىعىن قامتاماسىز ەتۋ بولىگىندە ۇكىمەت زاڭنامانىڭ تۇراقتىلىق دارەجەسىن تالداۋدى دايىنداۋ ماسەلەلەرىن رەگلامەنتتەيتىن قۇقىقتىق مونيتورينگ جۇرگىزۋ قاعيدالارىنا وزگەرىستەر ەنگىزگەنىن (قازاقستان رەسپۋبليكاسى ۇكىمەتىنىڭ 2021 جىلعى 10 تامىزداعى № 544 قاۋلىسى) حابارلايمىن, بۇل مەملەكەتتىك ورگاندار قابىلداعان نورماتيۆتىك قۇقىقتىق اكتىلەردىڭ تيىمدىلىگىن باعالاۋعا مۇمكىندىك بەرەدى», دەپ تۇيىندەدى ا.مامين.
