«حالىقتى الەۋمەتتىك قورعاۋ سالاسىندا ءبىرىنشى جانە ەكىنشى توپتاعى, 18 جاستان اسقان پسيحونەۆرولوگيالىق اۋرۋلارى بار مۇگەدەك ادامدارعا, پسيحونەۆرولوگيالىق پاتولوگياسى بار جانە تىرەك-قيمىل اپپاراتى بۇزىلعان مۇگەدەك بالالارعا ستاتسيونار, جارتىلاي ستاتسيونار جانە ۇيدە كۇتىم كورسەتۋ جاعدايلارىندا ارناۋلى الەۋمەتتىك قىزمەتتەردىڭ كەپىلدىك بەرىلگەن كولەمى ۇسىنىلادى. ارناۋلى الەۋمەتتىك قىزمەتتەردىڭ كەپىلدىك بەرىلگەن كولەمىنىڭ تىزبەسى الەۋمەتتىك-تۇرمىستىق, مەديتسينالىق, پسيحولوگيالىق, پەداگوگيكالىق, ەڭبەك, مادەني, ەكونوميكالىق جانە قۇقىقتىق قىزمەتتەردى قامتيدى», دەپ جازدى ءاليحان سمايىلوۆ دەپۋتاتتىق ساۋالعا بەرگەن جاۋابىندا.
بۇگىندە ەلىمىزدە ستاتسيونارلىق ۇلگىدەگى 113 مەديتسينالىق-الەۋمەتتىك مەكەمە جۇمىس ىستەيدى, وندا 23 مىڭنان استام ادام, ونىڭ ىشىندە مۇگەدەكتىگى بار ادامدار قىزمەت الادى.
سونداي-اق, 9 مىڭنان استام ادامدى قامتي وتىرىپ, 115 كۇندىزگى ستاتسيونار بولىمشەسى, 54 مىڭنان استام ادامدى قامتيتىن 482 ۇيدە الەۋمەتتىك كومەك كورسەتۋ بولىمشەسى, 8 مىڭنان استام ادامعا ارنالعان مەملەكەتتىك الەۋمەتتىك تاپسىرىس شەڭبەرىندە 164 ۇەۇ, ءمجا شەڭبەرىندە 1,4 مىڭ ادامعا قىزمەت كورسەتەتىن 7 جەكە ۇيىم جۇمىس ىستەيدى.
«اتالعان مەكەمەلەردىڭ جۇمىسى مۇگەدەك ادامداردى وڭالتۋعا جانە الەۋمەتتەندىرۋگە باعىتتالعان. حالىقتى جۇمىسپەن قامتۋ بويىنشا ءىس-شارالار اياسىندا مۇگەدەكتىگى بار ادامدارعا ەرەكشە كوڭىل بولىنەدى», دەپ تۇيىندەدى پرەمەر-ءمينيستردىڭ ورىنباسارى.
