ۆيتسە-پرەمەر قازاقستانداعى يادرولىق مەديتسينا ىستەرىنىڭ قازىرگى جاي-كۇيى, پروبلەمالارى مەن پەرسپەكتيۆالارى ماسەلەلەرىن كوتەردى.
كەڭەس بارىسىندا دەنساۋلىق ساقتاۋ ۆيتسە-ءمينيسترى اجار عينيات بايانداما جاسادى. ول دياگنوستيكانىڭ زاماناۋي ءادىسىن جۇرگىزۋدى قاجەت ەتەتىن ونكولوگيالىق پاتسيەنتتەردىڭ سانى ارتىپ كەلە جاتقانىن اتاپ ءوتتى. قازىر قازاقستاندا 4 پوزيتروندى-ەميسسيالىق توموگراف (پەت-ورتالىق) جۇمىس ىستەيدى: نۇر-سۇلتان قالاسىندا - 2, الماتىدا - 1 جانە سەمەيدە - 1.
پرەمەر-ءمينيستردىڭ ورىنباسارى ونكولوگيالىق اۋرۋلارمەن كۇرەس جونىندەگى كەشەندى جوسپاردىڭ «تيىمدىلىگى جوعارى ەرتە دياگنوستيكا» باعىتى اياسىندا الداعى 2 جىلدا زەرتتەۋدىڭ يننوۆاتسيالىق ادىستەرى ءۇشىن نۇر-سۇلتان, شىمكەنت, اقتوبە جانە قاراعاندى قالالارىندا تاعى 4 پەت-ورتالىق اشۋ جوسپارلانعانىن اتاپ ءوتتى.
كەڭەس قورىتىندىسى بويىنشا ەرالى توعجانوۆ پەت-ورتالىقتار جەلىسىن كەڭەيتۋ ارقىلى وتاندىق يادرولىق مەديتسينانى دامىتۋدىڭ جول كارتاسىن ازىرلەۋدى تاپسىردى.
