سونداي كاسىپكەردىڭ ءبىرى – «التىن» جەكە كاسىپكەرلىگىنىڭ ديرەكتورى التىنبەك دۇيسەمبيەۆ. يندەر اۋدانىندا تۇراتىن جاس كاسىپكەر بيىل سابىن شىعاراتىن شاعىن تسەح اشتى.
ەلىمىزدىڭ تاۋەلسىزدىك العان جىلدار ىشىندە ەلىمىزدە وڭ وزگەرىستەر بولىپ, تولىمدى جەتىستىكتەرگە قول جەتتى. وتاندىق ەكونوميكانىڭ ءار سالاسى قارقىندى دامۋ جولىنا ءتۇستى. ونىڭ ىشىندە شاعىن جانە ورتا بيزنەس تە بار. وسى سالانى وركەندەتۋگە ۇلەسىمدى قوسۋعا بەل بايلادىم. ءسويتىپ, تاۋەلسىزدىكتىڭ 30 جىلدىق مەرەيتويىنا تارتۋ ەتكىم كەلدى, – دەيدى ا.دۇيسەمبيەۆ.
ونىڭ ايتۋىنشا, كىر سابىن شىعارۋ ءۇشىن ءبىراز ىزدەنۋىنە تۋرا كەلىپتى. شاعىن تسەحقا قاجەتتى ارنايى قۇرىلعىلاردى ورناتقان. ال جاقىندا 4 ملن 700 مىڭ تەڭگە كولەمىندە قايتارىمسىز گرانت الدى.
– كىر سابىن قوسپاسىنىڭ باسىم بولىگى – كادىمگى كۇنباعىس پەن مالدىڭ ءىش مايى. اۋىلداعى فاستفۋد دايىندايتىن دۇڭگىرشەكتەردەن قايناتىلعان كۇنباعىس مايىن جينايمىز. ونى ارنايى ىدىستا قايتادان قايناتىپ, ۇلكەن قازانعا قۇيامىز. قازانداعى مايعا قاجەتتى قوسپالاردى قوسىپ, ابدەن ارالاستىرامىز. قويمالجىڭ قوسپا ابدەن نىعىزدالىپ, ارنايى پىشىنگە كەلتىرەتىن قۇرىلعىعا اۋىستىرىلادى. كادىمگى كىر سابىن وسىلاي دايىندالادى, – دەيدى ول.
ەندى جاس كاسىپكەر قايتارىمسىز گرانت قارجىسىنا تاعى دا جاڭا قۇرىلعىلار الۋدى كوزدەپ وتىر.
اتىراۋ وبلىسى
