ايماقتار • 30 جەلتوقسان، 2021

الماتىدا ىبىراي التىنسارينگە ەسكەرتكىش ورناتىلدى

538 رەت كورسەتىلدى

بۇگىن الماتى قالاسىنىڭ اكىمى باقىتجان ساعىنتاەۆ ءومىرىن بالالاردى وقىتۋعا ارناعان ۇلت ۇستازىنىڭ 180 جىلدىعىندا ىبىراي التىنسارينگە ارنالعان ەسكەرتكىشتىڭ سالتاناتتى اشىلۋىنا قاتىستى، دەپ حابارلايدى Egemen.kz.

وسىلايشا الماتىداعى ىبىراي التىنسارين اتىنداعى كوشەدە قازاق حالقىنىڭ ۇلى اعارتۋشىسى، جازۋشى، ەتنوگراف، قوعام قايراتكەرىنىڭ ەسكەرتكىش قويىلدى.

سالتاناتتى شاراعا الماتى قالاسىنىڭ اكىمى باقىتجان ساعىنتاەۆ، قازاقستان جازۋشىلار وداعىنىڭ توراعاسى ۇلىقبەك ەسداۋلەت، ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ، زيالى قاۋىم وكىلدەرى مەن قوعام قايراتكەرلەرى قاتىستى.

كءىس-شارا بارىسىندا قالا اكىمى ب. ساعىنتاەۆ ىبىراي ءالتىنساريننىڭ مۇراسى تەك ءبىر حالىق پەن ەتنوس ءۇشىن عانا ەمەس، بۇكىل ادامزات ءۇشىن اسا قۇندى ەكەنىن اتاپ ءوتتى.

ب. ساعىنتاەۆ ءبىلىم بەرۋ سالاسىنىڭ قالا مەن مەملەكەتتى دامىتۋداعى ماڭىزىن اتاپ ءوتتى. سوندىقتان الماتىدا مۇعالىمدەردى قولداۋ، جاڭا مەكتەپتەر سالۋ جانە وقۋ پروتسەسىنە يننوۆاتسيالىق يدەيالاردى ەنگىزۋ بويىنشا بارلىق شارالار قابىلدانىپ وتىر.

قولا مەن گرانيتتەن جاسالعان، بيىكتىگى التى مەترلىك ەسكەرتكىشتىڭ اۆتورلارى – دانيار سارباسوۆ، ءالىمجان توقباەۆ، دۋلات ۇسەنباەۆ جانە قانات بەگۋليەۆ.

سوڭعى جاڭالىقتار

ۇقساس جاڭالىقتار