«جاڭا جىلدى قالا تۇرعىندارىنىڭ ءبىر بولىگى كوپتەن كۇتكەن پاتەرىندە قارسى الادى. بۇگىن جىلدار بويى كەزەكتە تۇرعان ەلوردالىقتارعا پاتەر كىلتى تابىستالدى. ولاردىڭ اراسىندا جەتىم بالالار, ەرەكشە قاجەتتىلىگى بار بالالاردى تاربيەلەپ وتىرعان وتباسىلار, مۇگەدەكتەر, تولىق ەمەس وتباسىلار, زەينەتكەرلەر جانە ت.ب. بار.
تۇرعىن ءۇي كەشەنى الماتى اۋدانىندا ورنالاسقان (ش.قۇدايبەردى ۇلى كوشەسى). كەزەكتە تۇرعان 200-گە جۋىق وتباسىعا اتالعان تۇرعىن ۇيدەن پاتەر بەرىلدى. كوكتەمدە اۋماعىن اباتتاندىرىپ, اعاش وتىرعىزامىز. وسى ايدا كەزەكتە تۇرعان 2 مىڭنان استام وتباسى الەۋمەتتىك پاتەردىڭ كىلتىن الدى.
مەملەكەت باسشىسىنىڭ تاپسىرماسى بويىنشا بيىل قولجەتىمدى جەڭىلدىكپەن بەرىلەتىن تۇرعىن ءۇي سانى 10 مىڭ الەۋمەتتىك پاتەرگە دەيىن ۇلعايدى. سوڭعى 3 جىلدىڭ وزىندە قولجەتىمدى جەڭىلدىكتى تۇرعىن ءۇي سانى 5,5 ەسەگە ارتتى. مىسالى, 2018 جىلى 1800 پاتەر, 2019 جىلى 2 900 پاتەر سالىنسا, 2020 جىلى 7 مىڭنان استام قولدانىسقا بەرىلدى. بۇل كورسەتكىش الداعى جىلدارى دا ساقتالماق.
جاڭا 2022 جىلى تاعى دا 10 مىڭ الەۋمەتتىك پاتەر سالامىز. دايىندىق جۇمىستارى باستالدى.
سونىمەن قاتار, ەلباسىنىڭ باستاماسىمەن قولعا الىنعان «جۇمىس ىستەيتىن جاستارعا جالعا بەرىلەتىن تۇرعىن ءۇي» باعدارلاماسىن جالعاستىرامىز, بيىل دا جاستارعا ارنالعان «Elorda Jastary» ارنايى تۇرعىن ءۇي باعدارلاماسىن ىسكە قوستىق.
قونىس توي قۇتتى بولسىن! ءاربىر وتباسىعا اماندىق تىلەيمىن!» دەپ جازدى اكىم Instagram پاراقشاسىندا.
