«بۇگىن پارلامەنت عيماراتىندا جۋرناليست ا.كوسكينا مەن سۇحبات بەرۋشى ب.تىلەۋحان اراسىندا بولعان وقيعا جۋرناليستيكا كاسىبىنىڭ ەرەكشە قارىم-قاتىناس داعدىلارىن قاجەت ەتەتىن ەرەكشە ماماندىق ەكەندىگىن كەزەكتى رەت دالەلدەدى. ارينە, سۇحبات بەرۋشىنىڭ جۋرناليسكە قاتىستى ەموتسيالىق ارەكەتىن اقتاۋ قيىن (اسىرەسە ءجۋرناليستىڭ ايەل بالاسى ەكەنىن ەسكەرسەك)», دەپ جازدى ايدا بالاەۆا Facebook پاراقشاسىندا.
سونداي-اق, مينيستر سۇحبات بارىسىندا مادەنيەت پەن ەتيكانىڭ ساقتالۋ كەرەكتىگىن ەسكە سالدى.
«دەسە دە, ماسەلەنىڭ ەكىنشى جاعى دا بار, ول – ءجۋرناليستىڭ كاسىبي بىلىگى مەن ىشكى مادەنيەتى. سپيكەردىڭ جەكە ءومىرىنىڭ قۇپيالىعى مەن قۇقىعىن ساقتاۋ, تاقىرىپ اۋقىمىنداعى سۇراقتاردان تىس اۋىتقىماۋ, ديالوگ لوگيكاسىن ناقتى ۇستانۋ – بۇل ەشكىم جوققا شىعارمايتىن جالپىعا ورتاق وركەنيەت ەرەجەلەرى. قالاي بولعاندا دا اقپارات جانە قوعامدىق دامۋ مينيسترلىگى جۋرناليستەردىڭ زاڭدى مۇددەسىن, كاسىبي قۇقىعىن زاڭ اياسىندا قورعاۋعا قاشاندا دايىن», دەيدى ول.
