«مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كورنەكى اقپارات جانە ءدىني قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى», دەلىنگەن اقوردانىڭ رەسمي سايتىندا.
8 جەلتوقساندا ءماجىلىستىڭ جالپى وتىرىسىندا دەپۋتاتتار «قر كەيبىر زاڭنامالىق اكتىلەرىنە كورنەكى اقپارات جانە ءدىني قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا سەنات ەنگىزگەن تۇزەتۋلەرمەن كەلىستى. قۇجات قر پرەزيدەنتىنە قول قويۋعا جىبەرىلدى.
سەنات ء«دىني قىزمەت جانە ءدىني بىرلەستىكتەر تۋرالى» قر زاڭىنا ار-وجدان بوستاندىعى قۇقىعىن جۇزەگە اسىرۋ, مادەني عيماراتتار مەن قۇرىلىستاردان تىس جەرلەردە ءدىني ءىس-شارالاردى وتكىزۋگە ەنگىزىلەتىن حابارلاما ءتارتىبىن ناقتىلاۋ بولىگىندە تۇزەتۋلەر ەنگىزدى.
سونداي-اق, قۇجات مەملەكەتتىك ءتىلدىڭ ءرولىن ودان ءارى كۇشەيتۋگە باعىتتالعان. اتاپ ايتقاندا, جول بەلگىلەرىندەگى جازبانى مەملەكەتتىك تىلدە جازۋ, سونداي-اق حابارلاندىرۋلاردى, جارنامانى, پرەيسكۋرانتتاردى, باعا بەلگىلەرىن, مازىرلەردى, نۇسقاعىشتاردى جانە باسقا دا كورنەكى اقپاراتتى مەملەكەتتىك تىلدە, قاجەت بولعان جاعدايدا, ەگەر قازاقستان رەسپۋبليكاسىنىڭ زاڭنامالىق اكتىلەرىندە وزگەشە كوزدەلمەسە, ورىس جانە باسقا دا تىلدەردە ورنالاستىرۋ كوزدەلەدى.
