قر ستاتيستيكا جونىندەگى ۇلتتىق بيۋروسىنىڭ سايتىندا جاريالانعان رەسمي ستاتيستيكالىق ەسەپكە سايكەس, 2020 جىلدىڭ قاڭتار-قاراشا ايلارىندا ەلىمىزدە باسقا تاسىلمەن دايىندالعان نەمەسە كونسەرۆىلەنگەن 11,6 مىڭ توننا بالىق, ۋىلدىرىق جانە ونىڭ الماستىرعىشتارى ءوندىرىلدى. بيىلعى جىلدىڭ ۇقساس كەزەڭىندە بۇل كورسەتكىش 13,7%-عا ارتىق بولىپ, 12,3 مىڭ توننانى قۇرادى.
بالىق پايدالانۋ رەسۋرستارىنىڭ تەڭگەرىمىن ەسەپتەۋ بويىنشا قر سججرا ۇلتتىق بيۋروسىنىڭ ءادىسناماسىنا سايكەس, بۇل كورسەتكىشكە 100 ادامنان كەم كاسىپورىندار كىرمەيدى, ال بالىق سالاسىندا نەگىزگى ۇلەس توقسان سايىن ەسەپتىلىك ۇسىناتىن شاعىن جانە ورتا كاسىپكەرلىك سۋبەكتىلەرىنە تيەسىلى, تيىسىنشە سايتتا ورنالاستىرىلعان 2021 جىلعى كورسەتكىشتە بيىلعى جىلدىڭ 4 توقسانىنداعى كاسىپورىنداردىڭ ءوندىرىس كولەمى ەسكەرىلمەگەن.
بۇدان باسقا, 12,3 مىڭ توننا كورسەتكىشى قورىتىندى كورسەتكىش ەمەس (2021 جىلدىڭ 11 ايىندا) جانە وڭدەۋشى كاسىپورىنداردىڭ جۇمىسىن ەسكەرە وتىرىپ, جەلتوقساندا جىلدىق كورسەتكىش ارتادى.
وسىلايشا, بۇل دەرەكتەر كەرىسىنشە, 2020 جىلمەن سالىستىرعاندا 2021 جىلى بالىق ونىمدەرىن ءوندىرۋ كولەمىنىڭ وسكەنىن كورسەتەدى.
رەسپۋبليكا بويىنشا 2020 جىلدىڭ 11 ايىندا بالىق اۋلاۋ 45,3 مىڭ توننانى قۇرادى, ال بيىلعى جىلدىڭ وسىنداي كەزەڭىندە 48,6 مىڭ توننا بالىق اۋلانعان, ياعني ءوسىم وتكەن جىلعا قاراعاندا 7,3%-دى قۇرايدى.
جالپى, رەسپۋبليكا بويىنشا 2021 جىلدىڭ قاڭتار-قازان ايلارىندا وڭدەلگەن جانە كونسەرۆىلەنگەن بالىق, شايان تارىزدىلەر مەن مولليۋسكالار ءوندىرىسىنىڭ كولەمى 87,1 مىڭ توننا بالىقتى قۇرادى. 2020 جىلدىڭ ۇقساس كەزەڭىمەن سالىستىرعاندا ءوندىرىس كولەمى 10%-عا نەمەسە 8,8 مىڭ تونناعا ءوستى.
بالىق ءوسىرۋ بالىق سالاسى دامۋىنىڭ ءوسۋ نۇكتەسى بولىپ تابىلادى. سوندىقتان, قازاقستان رەسپۋبليكاسى ۇكىمەتىنىڭ 2021 جىلعى 5 ساۋىردەگى № 208 قاۋلىسىمەن بالىق شارۋاشىلىعىن دامىتۋدىڭ 2030 جىلعا دەيىنگى باعدارلاماسى بەكىتىلدى. باعدارلامانىڭ نەگىزگى ينديكاتورى - وسىرىلگەن بالىق كولەمىن 2030 جىلعا قاراي جىلىنا 270 مىڭ تونناعا دەيىن ۇلعايتۋ.
2021 جىلى وسىرىلگەن بالىق كولەمى 13,1 مىڭ توننانى قۇرادى, بۇل 2020 جىلعا قاراعاندا 31%-عا جوعارى (9,0 مىڭ توننا). بيىلعى جىلى ءارتۇرلى اكىمشىلىك كەدەرگىلەردى بولدىرمايتىن, راسىمدەردى وڭايلاتاتىن, نارىق سۋبەكتىلەرىنىڭ مۇمكىندىكتەرىن كەڭەيتەتىن جانە ولاردىڭ بالىق وندىرۋگە ارنالعان شىعىستارىن تومەندەتەتىن بىرقاتار زاڭنامالىق باستامالار قابىلداندى.
وسىلايشا, مينيسترلىكتىڭ ءباسپاسوز قىزمەتى باق وكىلدەرىنەن قوعامدا قاتە پىكىر قالىپتاستىرۋعا اكەپ سوعۋى مۇمكىن, بۇرمالانعان اقپاراتتىڭ تارالۋىنا جول بەرمەۋ ماقساتىندا اقپاراتتىڭ دۇرىس كوزدەرىنە سەنىم ارتۋدى سۇرايدى.
