بۇل جاڭاشىلدىق 29 جەلتوقساننان باستاپ كۇشىنە ەنەتىن زاڭ جوباسىندا قاراستىرىلعان. جاڭا ەرەجەلەر زاڭسىز يمميگرانتتاردى تارتىپكە كەلتىرۋگە, ۇلتارالىق قاقتىعىستاردىڭ الدىن الۋعا جانە جاڭا ينفەكتسيالارعا توسقاۋىل قويۋعا كومەكتەسەدى, دەپ جازادى پارلامەنتتىك گازەت.
سونىمەن, رەسەي فەدەراتسياسىنا جۇمىسقا كەلگەن شەتەلدىكتەر كىرگەن ساتتەن باستاپ 30 كۇن ىشىندە داكتيلوسكوپيادان ءوتۋى كەرەك. باسقا ماقساتتارمەن كەلگەندەرگە ساۋساق ىزدەرىن تاپسىرۋ مەرزىمى 90 كۇنگە دەيىن بەلگىلەنگەن.
مەملەكەتتىك دۋمانىڭ پىكىرىنشە, داكتيلوسكوپيالىق تىركەۋ قىلمىسكەرلەر مەن تەرروريستىك ۇيىمدارعا قاتىسى بار ادامداردى انىقتاۋ بويىنشا جۇمىستى ايتارلىقتاي جەڭىلدەتەدى.
سونداي-اق, جاڭا نورمالار بويىنشا شەتەلدىكتەر مەديتسينالىق كۋالاندىرۋدان ءوتۋى ءتيىس. مەرزىمى بىردەي - جۇمىسشىلار ءۇشىن 30 كۇن, قالعاندارى ءۇشىن - 90 كۇن.
ميگرانتتاردى دارىگەردىڭ تاعايىنداۋىنسىز ەسىرتكى نەمەسە پسيحوتروپتىق زاتتاردى پايدالانۋ فاكتىسىنىڭ بولۋى نەمەسە بولماۋى, سونداي-اق اينالاسىنداعىلار ءۇشىن قاۋىپتى جۇقپالى اۋرۋلار جانە ايتۆ-ينفەكتسياسى تەكسەرىلەدى.
ەرەجەلەر رەسەيگە ەڭبەك قىزمەتى ءۇشىن كەلمەگەن شەتەلدىكتەرگە قولدانىلمايدى, ەگەر ولار:
- بەلارۋس ازاماتتارى بولىپ تابىلسا;
- ولار حالىقارالىق ۇيىمداردىڭ لاۋازىمدى تۇلعالارى بولىپ, ءوز مىندەتتەرىن ورىنداۋ ءۇشىن رەسەيگە كەلسە;
- التى جاسقا جەتپەسە.
سونداي-اق, قۇجاتتا رەسەيدىڭ جەكەلەگەن سۋبەكتىلەرىندە فەدەرالدى مەملەكەتتىك ۋنيتارلىق كاسىپورىندار ىشكى ىستەر سالاسىنداعى اۋماقتىق ورگاندارعا داكتيلوسكوپيانى جۇرگىزۋگە جاردەمدەسۋى كەرەك دەلىنگەن.
بۇل ءىس-شارالاردان ءوتۋ ءۇشىن رەسەيگە كەلگەن شەتەلدىكتەر ىشكى ىستەر مينيسترلىگىنىڭ اۋماقتىق ورگانىنا, ۆەدومستۆولىق باعىنىستى كاسىپورىنعا نەمەسە ۋاكىلەتتى ۇيىمعا جەكە جۇگىنۋى كەرەك.
رەسەيگە 90 كۇننەن استام ۋاقىتقا كەلگەن ەڭبەك ميگرانتتارى مەن شەتەلدىكتەر ەكى پروتسەدۋرادان ءبىر رەت وتەدى.
ولارعا داكتيلوسكوپيادان وتكەنى تۋرالى ءتيىستى قۇجات بەرىلەدى.
