«تىلەۋحان بەكبولات قاناي ۇلى وكىلەتتىگىن توقتاتۋ تۋرالى ءوتىنىش بەردى. كونستيتۋتسيا بابىنا سايكەس, وكىلەتتىگىن مەرزىمىنەن بۇرىن توقتاتۋ تۋرالى ءوتىنىش بەرىلۋىنە بايلانىستى ۇسىنىس ەنگىزەدى», دەدى ورتالىق سايلاۋ كوميسسياسىنىڭ مۇشەسى اسىلبەك سماعۇلوۆ.
سونداي-اق, بەكبولات تىلەۋحان دەپۋتاتتىق قىزمەتتەن كەتۋىن ءتۇسىندىرىپ, جاڭا قىزمەتىن ايتتى.
«نەگىزگى سەبەپ, جاسىرماي-اق قويايىن, دەنساۋلىعىما بايلانىستى. ءبىراز دەمالعىم كەلەدى. كەشەندى ەمدەۋدەن وتپەكپىن. بۇل جونىندە ەلباسىنا, مەملەكەت باسشىسىنا باياندادىم. مۇندا دەنساۋلىق ماسەلەسى عانا ەمەس», دەيدى ول.
بەكبولات تىلەۋحان جاڭا قىزمەتكە تاعايىندالعانىن دا ايتتى.
«مەن سياقتى ادامدار بوس جۇرە المايدى. سونىمەن قاتار, بۇعان دەيىن دۇنيەجۇزىلىك ەتنوسپورت كونفەدەراتسياسىنىڭ پرەزيدەنتى ەردوعان مىرزانىڭ ورتالىق ازيا ەتنوسپورت كوميتەتىن باسقارۋىنا ۇسىنىس كەلىپ ءتۇستى. قازىر مەنى دۇنيەجۇزىلىك ەتنوسپورت كونفەدەراتسياسىنىڭ ۆيتسە-پرەزيدەنتى ەتىپ تاعايىندادى. بىزدە بەلگىلى ءبىر كەلىسىمدەر بار, مەن بىرتىندەپ سوعان وتەمىن», دەدى ول.
