ەكونوميكا • 28 جەلتوقسان، 2021

ەكسپورتتى جەدەلدەتۋدى جۇزەگە اسىرۋ ماسەلەسى تالقىلاندى

47 رەت كورسەتىلدى

ۇكىمەتتە پرەمەر-ءمينيستردىڭ ءبىرىنشى ورىنباسارى ءاليحان سمايىلوۆتىڭ توراعالىعىمەن Nur Otan پارتياسىنىڭ سايلاۋالدى باعدارلاماسىن ىسكە اسىرۋ جونىندەگى شتابتىڭ كەزەكتى وتىرىسى ءوتتى، دەپ حابارلايدى Egemen.kz primeminister.kz سايتىنا سىلتەمە جاساپ.

تالقىلانعان ماسەلەلەردىڭ ءبىرى بەلسەندى ەكسپورتتاۋشىلار سانىن كوبەيتە وتىرىپ، ەكسپورتتى جەدەلدەتۋ باعدارلاماسىن جۇزەگە اسىرۋ تۋرالى تارماق بولدى.

2020 جىلى مەملەكەت باسشىسىنىڭ تاپسىرماسى بويىنشا ورتالىق ازيادا العاش رەت ەكسپورتتى جەدەلدەتۋ باعدارلاماسى ىسكە قوسىلدى. باعدارلامانىڭ ءبىرىنشى كەزەڭىنە قىتاي نارىعىنا باعىتتالعان 35 ازىق-ت ۇلىك كومپانياسى قاتىستى. كومپانيالاردىڭ جارتىسىنان كوبى شوب وكىلدەرى.

بيىل ىسكە قوسىلعان باعدارلامانىڭ ەكىنشى كەزەڭىندە تاماق، حيميا، جەڭىل ونەركاسىپ جانە ماشينا جاساۋ سالالارى بويىنشا 101 كاسىپورىن ىرىكتەلدى. 2020-2021 جىلدارعا ارنالعان باعدارلامانى جۇزەگە اسىرۋدى ەسكەرە وتىرىپ، بۇگىنگى تاڭدا ەكسپورتتاۋشىلار سانى 410-نان (2020 جىلى) 546-عا (2021) دەيىن ءوستى. بۇگىنگى تاڭدا بۇل كاسىپورىنداردىڭ ەكسپورتتىق تۇسىمدەرى شيكىزاتتىق ەمەس ەكسپورتتىڭ جالپى كولەمىنىڭ 80%-عا جۋىعىن قۇرايدى. بارلىق ەكسپورتتاۋشىلاردىڭ 43%-ىن تاماق ونەركاسىبى (233)، ودان كەيىن حيميا (69) جانە مەتاللۋرگيا ونەركاسىبى (55) كاسىپورىندارى قۇرايدى.

2019 جىلدان باستاپ ساۋدا مينيسترلىگى اشىق دەرەكتەر پورتالىندا ورنالاستىرىلعان بەلسەندى ەكسپورتتاۋشىلاردىڭ ءتىزىلىمىن جۇرگىزۋدە.

پرەمەر-ءمينيستردىڭ ورىنباسارى ءتيىستى مەملەكەتتىك ورگاندار مەن وڭىرلەرگە ەكسپورتتاۋشىلاردى بەلسەندى قولداۋدى جالعاستىرۋدى جانە 2022 جىلعا ارنالعان ەكسپورتتى جەدەلدەتۋ باعدارلاماسىن ىسكە اسىرۋ بويىنشا بەلگىلەنگەن نىسانالى ينديكاتورعا 650 ەكسپورتتاۋشى كومپانيا دەڭگەيىندە قول جەتكىزۋدى تاپسىردى.

ەسكە سالايىق، پارتيانىڭ بيىلعى سايلاۋالدى باعدارلاماسىن جۇزەگە اسىرۋ جونىندەگى شتاب اياسىندا پرەمەر-ءمينيستردىڭ ورىنباسارى ءا.سمايىلوۆتىڭ توراعالىعىمەن 32 جيىن ءوتتى. 100 الەۋمەتتىك ماڭىزدى جانە وزەكتى ماسەلە تىڭدالدى. جول كارتاسىنىڭ 362 تارماعىنىڭ 201 تارماعى ورىندالدى.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار