وسى جىلدىڭ 11 ايىنىڭ قورىتىندىسى بويىنشا باسقارمانىڭ نەگىزگى كورسەتكىشتەرى 1 ترلن. ال نەگىزگى كاپيتالعا سالىنعان ينۆەستيتسيالار كولەمى 5,8% وسىممەن 1 ترلن. تەڭگەدەن استى.
سونداي-اق, ونەركاسىپ ءونىمى كولەمىنىڭ 14% - عا ارتقانى بايقالادى. وڭدەۋ ونەركاسىبىندە 1,1 ملرد. تەڭگە سوماسىنا ءونىم ءوندىرىلدى. ايتا كەتەيىك, ەلوردادا وڭدەۋ ونەركاسىبىنىڭ نەگىزگى سالالارى: مەتاللۋرگيا, ماشينا جاساۋ, وزگە دە مەتالل ەمەس مينەرالدى ونىمدەر مەن سۋسىندار, تاماق ونىمدەرىن ءوندىرۋ بولىپ تابىلادى.
وسى ورايدا بولشەك ساۋدا تاۋار اينالىمىنىڭ كولەمى 1 312 ملرد. تەڭگەنى قۇرادى, بۇل 2020 جىلعى كورسەتكىشتەردەن 7,7% - عا استى.
باسقارمادا سونداي-اق كارانتيندىك شەكتەۋلەرگە قاراماستان, جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 13% - عا ارتىپ, 161 622-ءنى قۇراعانىن اتاپ ءوتتى. وسى جىلدىڭ قاڭتار-ماۋسىمىندا شاعىن جانە ورتا بيزنەس (شوب) سالاسىندا جۇمىسپەن قامتىلعاندار سانى تيىسىنشە 401,1 مىڭ ادامعا دەيىن (11,9% - عا) ءوستى. ءوز كەزەگىندە, شوب سۋبەكتىلەرى وسۋىنەن شىعارىلاتىن ونىمدەر 3 981,7 ملرد. تەڭگەگە ۇلعايدى.
«ىسكە اسىرىلىپ جاتقان شاعىن جانە ورتا بيزنەستى قولداۋدىڭ مەملەكەتتىك باعدارلامالارى اياسىندا 89 ملرد.تەڭگە ينۆەستيتسيا سوماسىنا 1 700-دەن استام جوبا ماقۇلداندى. 2022 جىلى شوب سالاسىنداعى نەگىزگى كورسەتكىشتەر بويىنشا ءوسۋ قارقىنىن ساقتاۋ جوسپارلانىپ وتىر. بۇعان وسى جىلدىڭ قازان ايىندا قابىلدانعان 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا ىقپال ەتەدى», دەلىنگەن ۆەدومستۆو حابارلاماسىندا.
