وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆتىڭ مالىمەتىنشە, باعالى بالىق «بەكىرە-2021» جەدەل پروفيلاكتيكالىق ءىس-شاراسى كەزىندە تاركىلەنگەن.
«پوليتسيا قىزمەتكەرلەرى 21 جەلتوقساندا «اقتوبە-استراحان» تاس جولى بويىندا تەكسەرۋ جۇرگىزىپ, ەر ادامنىڭ كولىگىنەن پوليەتيلەن پاكەتىنە سالىنعان 23 دانا بەكىرە تۇقىمداس بالىق تابىلدى. باعالى بالىقتار «جايىق-اتىراۋ» بەكىرە شاباعىن ءوسىرۋ زاۋىتىنا تاپسىرىلدى. بالىقتىڭ سالماعى 67 كەلى 600 گرامدى قۇراپ, سايكەس قۇجاتتار جاساقتالدى. قازىر بەكىرە تۇقىمداس بالىقتاردى زاڭسىز تاسىمالداعان كولىك جۇرگىزۋشىسى مەن جولاۋشىسىنا قاتىستى قر قىلمىستىق كودەكسىنىڭ 339-بابىنىڭ 2-بولىگى, 5-تارماعىمەن سوتقا دەيىنگى تەرگەپ-تەكسەرۋ باستالدى», دەيدى قامزا ۇمبەتقاليەۆ.
