كاسىپقوي بوكس • 28 جەلتوقسان، 2021

«كانەلونىڭ» تازا ەمەس ەكەندىگىنە 150 پايىز سەنىمدىمىن – ەۆگەني حيتروۆ

3417 رەت كورسەتىلدى

ۋكراينالىق بوكسشى ەۆگەني حيتروۆ ەكىنشى ورتا سالماق دارەجەسىندەگى الەمنىڭ ءابسوليۋتتى چەمپيونى، مەكسيكالىق ساۋل «كانەلو» الۆارەستىڭ رۇقسات ەتىلمەگەن ءدارى-دارمەك قولداناتىندىعىنا سەنىمدى ەكەندىگىن جەتكىزدى، دەپ حابارلايدى Egemen.kz championat.com-عا سىلتەمە جاساپ.

«كاسىپقوي بوكس الەمىندەگى بارلىق بەدەلدى ۇيىمدارعا ءسوزىڭدى جۇرگىزۋدىڭ ءبىر عانا جولى بار. قاي بوكسشى كوپ تابىس اكەلەدى، سونىڭ ايتقانى زاڭ ەكەنى ءمالىم. ساۋل الۆارەس قازىر ءوزى قالاعان بوكسشىمەن قولعاپ ءتۇيىستىرىپ ءجۇر. نەگە؟ ويتكەنى ول نەگىزگى دەپ سانالاتىن ءتورت ۇيىمنىڭ ءبارىن اسىراپ وتىر. مەن ونىڭ حيميالىق پرەپاراتتار پايدالاناتىندىعىنا 150 پايىز سەنىمدىمىن. جارتىلاي اۋىر سالماققا كوتەرىلىپ، سەرگەي كوۆالەۆتى نوكاۋتقا جىبەرۋدىڭ استارىندا ۇلكەن ءمان جاتىر. ء اربىر بوكس ۇيىمى وعان تەكسەرۋشىلەر باراتىن كەزدە ەسكەرتىپ قويادى. ول سول ۋاقىتتا اعزاسىن تازارتىپ ۇلگەرەدى دە، كەيىن قايتادان رۇقسات ەتىلمەگەن ءدارى-دارمەك قولدانادى. وسىلايشا قالاعان سالماعىنا كوتەرىلىپ، قالاعان قارسىلاسىن جەڭىپ ءجۇر»، دەيدى ۋكراينالىق بوكسشى ءوز ويىن تۇيىندەپ.

ەستەرىڭىزگە سالا كەتەيىك، ءبىراز ۋاقىت بۇرىن وتانداسىمىز گەننادي گولوۆكينمەن ەكىنشى جەكپە-جەك وتكىزۋگە نيەت بىلدىرگەن «كانەلونىڭ» اعزاسىنان رۇقسات ەتىلمەگەن ءدارى-دارمەكتىڭ ءبىر ءتۇرى كلەنبۋتەرولدىڭ ءىزى تابىلعان بولاتىن. ارينە، ول كەزدە «كانەلونىڭ» كومانداسى بار كىنانى سيىر ەتىنەن جاسالعان تاعامعا جاۋىپ، وزدەرىن اقتاعىسى كەلگەنى ەستە. جالپى، ءبىر رەت دوپينگ داۋىمەن ۋاقىتشا سپورتتان شەتتەتىلگەن سپورتشىدان ءبارىن كۇتۋگە بولادى عوي...

سوڭعى جاڭالىقتار

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار